影片
更多
2021-05-26
9148 浏览
老豆好钟意饮茶🍵，我之前睇网上介绍已经想同老豆嚟试下呢间辉哥点心放题。只需要$78就可以90分钟任食多达50款高级粤式手工点心，真系超抵呀！难怪一嚟到已经见到全店爆满，真系好夸张😨！ 每人仲送半只红烧皇子鸽，食落热辣辣，皮脆、肉滑、骨嫩、多汁，好味道呀🤤！ 点心选择好多，首先出面有自助吧可以自己拎大排档小食，有XO酱炒肠粉、咖哩鱼蛋萝卜、椒盐鸡翼尖、凉拌茄子、街头碗仔翅、生炒糯米饭、药膳鸡脚、煎虾韭菜饼、川芎鱼头、黑糖豆花。全部都系细细碟，可以方便食多啲唔同嘢。 另外点心纸都有好多款式拣，包括点心、粥品、小食、蔬菜🥬，甚至连炒粉面都有，好抵食呀！而且所有点心都系即叫即蒸，保证新鲜。 水晶虾饺皇都好大只，晶莹剔透，个皮唔会太厚，鲜虾爽口弹牙。 叫完虾饺，点可以唔埋烧卖，猪肉唔会太肥，粒粒胀卜卜，虾肉爽口。 烧汁牛柳粒都几腍，食落几嫩。烧汁味香浓入味。 八味脆豆腐炸得香脆，外脆内嫩，表层嘅椒盐非常惹味。 炸云吞炸得金黄，酥脆香口，馅料一样爽口弹牙。 炸春卷一向系我其中一款去酒楼必点嘅点心，春卷炸得香脆，满满内馅超满足。 除咗点心，全程仲有任饮汽水果汁。 🥤埋单先发觉原来长者卡仲可以减$10
老豆好钟意饮茶🍵，我之前睇网上介绍已经想同老豆嚟试下呢间辉哥点心放题。只需要$78就可以90分钟任食多达50款高级粤式手工点心，真系超抵呀！难怪一嚟到已经见到全店爆满，真系好夸张😨！
每人仲送半只红烧皇子鸽，食落热辣辣，皮脆、肉滑、骨嫩、多汁，好味道呀🤤！
点心选择好多，首先出面有自助吧可以自己拎大排档小食，有XO酱炒肠粉、咖哩鱼蛋萝卜、椒盐鸡翼尖、凉拌茄子、街头碗仔翅、生炒糯米饭、药膳鸡脚、煎虾韭菜饼、川芎鱼头、黑糖豆花。全部都系细细碟，可以方便食多啲唔同嘢。
另外点心纸都有好多款式拣，包括点心、粥品、小食、蔬菜🥬，甚至连炒粉面都有，好抵食呀！而且所有点心都系即叫即蒸，保证新鲜。
水晶虾饺皇都好大只，晶莹剔透，个皮唔会太厚，鲜虾爽口弹牙。
叫完虾饺，点可以唔埋烧卖，猪肉唔会太肥，粒粒胀卜卜，虾肉爽口。
烧汁牛柳粒都几腍，食落几嫩。烧汁味香浓入味。
八味脆豆腐炸得香脆，外脆内嫩，表层嘅椒盐非常惹味。
炸云吞炸得金黄，酥脆香口，馅料一样爽口弹牙。
炸春卷一向系我其中一款去酒楼必点嘅点心，春卷炸得香脆，满满内馅超满足。
除咗点心，全程仲有任饮汽水果汁。 🥤
埋单先发觉原来长者卡仲可以减$10，真系真心要讲句，抵！抵！抵！重要事讲3次！📢📢📢
张贴
