夜。鐵板燒

和哥27/08生日🎂我订咗山林道「夜•铁板烧」，继上次「4月生日饭」后encore ，今晚系一位女师傅为我哋煮食，好健谈，煮嘢好好食🤤，佢话今晚有5枱客人都系庆祝生日🎂，而与我们同房的一家3口亦系庆祝生日，巧合地对方都系今日正日，两位寿星仔都系著白色T恤，同年青大只💪🏻有型😎，对方仲请我哋食生日蛋糕🎂添，朱古力流心蛋糕好好味😋。晚餐头盘-鱼生并盘个贝类🐚刺身就麻麻哋其他鱼刺身就好鲜甜👍🏻，第一次食铁板和牛寿喜烧，味道同平时食嘅好唔同，烟熏鸭肝亦好好味😋，烟熏冇咗平时嘅油腻感外喺口腔度仲有多重味道👅好好味，当然有我最喜欢嘅「企鳞金目鲷」外皮好脆鱼肉好滑（我认证咗「企鳞」系鱼嘅问题，唔系师傅技术问题🤣🤣🤣），今次个酱汁同上次唔同，我觉得今次个汁夹啲😃。龙虾🦞汤非常鲜甜配和牛炒饭无得输，和哥特品提到个甜品🍧喺有柚子啫喱，入面蒟蒻粒好有口感为餐桌点上完美句点。食铁板烧有个重要原素就喺同师傅嘅互动沟通，好嘅气氛令餐点锦上添花，所以话好嘅餐点除咗食材，厨师技巧，仲有就系「食人」即系对手/对象，一路食一路倾，听师傅介绍每道菜色特点，慢慢细嚼当中味道，开开心心🥰满足快乐咁享受饮食过程，食饭最紧要开心😃