樂天皇朝 (雅蘭中心)

营业中

休息中

我系为咗依个八色小笼包以来。八色小笼包够晒色彩缤纷,一笼有齐晒原味,人参,鹅肝,黑松露,川味麻辣,芝士蟹粉同蒜香味嘅小笼乜,钟意重口味嘅我当然最爱就系黑松露同鹅肝味。刀切小馒头其实就系炸馒头,虽然好多茶楼或者点心店都有炸馒头,不过唔系间间都好食,但系依个炸馒头令我忍唔住食咗两个,新鲜热辣辣外脆内软,而且完全冇任何油腻感。萝卜丝酥饼依家真系见小卖小,最爱酥脆嘅外层,内里又有香甜软淋鲜味嘅萝卜丝。上海炒饭够晒有镬气,粒粒分明。馅料又够多,几乎每啖都食到虾仁。皇朝话梅骨系店员推介嘅招牌小菜,酸酸甜甜嘅口味超开胃。食完正餐当然要食甜品作为结尾,谂都唔使谂就order左香煎豆沙锅饼,外皮煎得超香脆带有少少QQ嘅口感,包住香甜嘅豆沙蓉简直天衣无缝。