Oliver's Super Sandwiches (已結業)

由于要等香港同澳门同时落左8号先可以开船，晨咁早到左上环，成个商场都塞满哂等上船既大陆人，好难先有个位坐底食野。去到超级三文治都要坐高枱先有位。叫左个三文鱼蚬肉扁意粉同一杯illy咖啡，餐黎既，总共53蚊。三文鱼蚬肉扁意粉卖相好干但好香，见到d汁系放埋边，捞起左都唔够，就问人攞多d汁，由于d汁系同d三文鱼同蚬肉一齐预先整好，所以后加既一大pat汁，即系多左好多三文鱼同蚬肉，多多一倍既汁先可以每条意粉都俾d汁包住。蚬肉不过不失，三文鱼配白汁真系一流！好味！但略嫌扁意粉煮得太熟，一d都无弹牙既口感。另外杯咖啡好好味，应该预先帮我落左奶，有阵咖啡豆㶶㶶地既香味，好易入口。唔太中意饮咖啡既人不妨一试。