阿來東南亞風味 (已結業)

明明唔系第一次打风，但超市都系抢到咩都冇，只可以同老公出去填肚。本身谂住8号风下，有咩咪食咩啰， 点知屋企附近嘅阿来竟然有开，立即冲咗去食。点咗马沙文海鲜咖喱同青咖喱，午餐都系几十蚊份，价钱实惠抵食，转薄饼仲唔加钱添！（食到一半先记得影）非常足料，咖喱系比较水𠮶种，但都好够味，好啱送饭。今时今日五六十蚊一餐晏，其实已经好抵食，平民餐厅而言，服务亦都好好，餐厅啲人都好nice。因为8号风球唔使我饿死，决心将第一篇食评用嚟写呢间良心小店，祝佢哋长做长有，作为街坊嘅我一定会定期帮衬。