德聲海鮮酒家

营业中

休息中

说话上星期同朋友行过佢门口见到有$88龙虾，其实之前系x香食过几次，都系去杏花邨果间，但真心整得好求奇，所以今日去左依间试下，入到去坐低发觉冇乜食客，心谂会唔会中伏呢....睇埋菜单先知，佢有好多款特价美食，有鱼有龙虾等，但原来睇人数再限款式，例如我地3个人只可以选其中一款，不过冇限数量，一致决定一人一龙虾！再点左一个肉同一个西兰花虾球，虾球好新鲜，好爽口，个肉唔记得乜名喇（佢d菜名好怪）但酸酸地，用黎𩠌饭一流。到龙虾上枱，无论卖相，香味，大细甚至温度都完胜x香，好有诚意！最后可能客人唔多，侍应们都好nice，龙虾上枱后攞定茶比我地洗手，侍应哥哥又走黎好客气问我地需唔需要刀叉，唔似大集团班人十叫九唔应再比面色你睇（系杏花邨遇过）。唯独个洗手间拍得住茶记...入完去扣晒分，但东区既朋友可以去试试。