影片
更多
2022-06-19
264 浏览
琴日去咗钻石山地铁站荷里活广场嘅Tamago-En喺现场糖食嗌咗$88嘅疏乎厘班戟首先讲吓餐厅嘅环境餐厅环境宁静，偶有背景音乐餐厅嘅地理位置非常之方便，一出钻石山地铁站就系荷里活广场荷里活广场再上电梯就系Tamago-En接住落嚟我会想讲一下食物嘅质素我认为呢一份疏乎厘班戟系物超所值班戟非常之软身，而且有非常之浓嘅蛋味形容一下班戟嘅质感— 佢中间系含有非常之多空气系非常之松软嘅一种班戟唯一缺点就系食完好似一阵风咁样因为佢嘅材料非常之轻身所以某程度上食完都系唔够饱嘅然而我会话佢嘅甜度恰到好处佢唔系𠮶种死甜，而系有蛋味同埋面粉味糅合埋一齐嘅甜味每一啖都好似一个新发现，每食一啖都好似升咗上天堂咁样但相对嘅缺点就系当食完成份疏乎厘，就好似跌返落凡间咁样好似有一个梦醒返咁样讲完班戟嘅味道，我好想讲吓附上嘅雪糕球附上嘅雪糕球系云呢拿味雪糕球嘅云呢拿味非常之重，但又恰到好处佢系比较浓嘅云呢拿味，但又系唔会喧宾夺主取替左个雪糕嘅精髓— 就系佢嘅甜味同时间甜味亦都唔系死甜嘅我认为喺雪糕食完之后，千祈唔好嘥剩低溶咗嘅雪糕可以用疏乎厘班戟沾上嚟食一齐食嘅效果大概就系— 有牛奶味同埋云呢拿味嘅疏乎厘班戟佢同时
喺现场糖食嗌咗$88嘅疏乎厘班戟
首先讲吓餐厅嘅环境
餐厅环境宁静，偶有背景音乐
餐厅嘅地理位置非常之方便，一出钻石山地铁站就系荷里活广场
荷里活广场再上电梯就系Tamago-En
接住落嚟我会想讲一下食物嘅质素
我认为呢一份疏乎厘班戟系物超所值
班戟非常之软身，而且有非常之浓嘅蛋味
形容一下班戟嘅质感—
佢中间系含有非常之多空气
系非常之松软嘅一种班戟
唯一缺点就系食完好似一阵风咁样
因为佢嘅材料非常之轻身
所以某程度上食完都系唔够饱嘅
然而我会话佢嘅甜度恰到好处
佢唔系𠮶种死甜，而系有蛋味同埋面粉味糅合埋一齐嘅甜味
每一啖都好似一个新发现，每食一啖都好似升咗上天堂咁样
但相对嘅缺点就系当食完成份疏乎厘，就好似跌返落凡间咁样
好似有一个梦醒返咁样
讲完班戟嘅味道，我好想讲吓附上嘅雪糕球
附上嘅雪糕球系云呢拿味
雪糕球嘅云呢拿味非常之重，但又恰到好处
佢系比较浓嘅云呢拿味，但又系唔会喧宾夺主取替左个雪糕嘅精髓— 就系佢嘅甜味
同时间甜味亦都唔系死甜嘅
我认为喺雪糕食完之后，千祈唔好嘥剩低溶咗嘅雪糕
可以用疏乎厘班戟沾上嚟食
一齐食嘅效果大概就系— 有牛奶味同埋云呢拿味嘅疏乎厘班戟
佢同时间仲有班戟嘅蛋味同埋面粉味
试想像下你嘅口同一时间有咁多味嘅糅合
但同时间任何一种味都唔会喧宾夺主、先声夺人
相反佢哋都系一个非常之合拍嘅组合
唯一缺点就系雪糕球比较细
食完有种意犹未尽嘅感觉
之后我会想讲吓咖啡忌廉嘅味道同埋质感
咖啡忌廉嘅味道系比较浓嘅咖啡味
佢嘅做法系比较意式𠮶种
钟意比较浓咖啡味嘅粉丝就会喜欢
佢嘅质感都系感觉上比较多发打嘅
系一Pat密度比较低嘅忌廉
而忌廉就系呢一个疏乎厘班戟嘅精髓所在
配上忌廉食嘅疏乎厘班戟苦中带甜
因为忌廉嘅苦味中和左疏乎厘嘅甜味
两种味道嘅混合又系一个非常之有趣嘅配搭
忌廉嘅苦味系咖啡嘅苦味，所以苦中带甘
而配上班戟就甘中带有面粉嘅甜味
最后我会想形容一下蕨饼
佢嘅蕨饼外面包有黄豆粉，所以带咗非常之浓嘅黄豆味
但至于内馅我就会认为佢略为普通
同坊间买到嘅蕨饼冇乜分别
临尾一提我会想讲吓等位状况
喺繁忙时间呢一间舖头都系大排长龙嘅
基本上要等到佢帮衬都唔系有可能嘅事啦
所以我会建议系非繁忙时间帮衬
又或者早啲去到
总括而言，我都非常之满意今次嘅体验
绝对有下一次再尝试其他美食嘅空间
张贴