影片
更多
2022-07-06
124 浏览
行过发现一间好得意嘅汉堡包店，店舖里里外外都系点阵图砌成，虽然外边撘左棚架，但都仲可以打下卡嘅。睇下餐牌，价钱六十几起，加十八蚊可以转餐，都几抵食吖，试下佢先。落完单，店员即叫即整十分爽手，大概十分钟左右已经有得拎了。厨房很简洁，完全无油烟味，用具睇落都好干净添。叫左一人一份汉堡包餐，卖相唔错㖞，仲好香添。WB猪牛薯堡朋友话佢唔谂啦，一下就叫个最重量级嘅汉堡包，里面有牛肉同猪肉汉堡扒各一块，仲有流心煎蛋同薯饼，再配上芝士、生菜同蕃茄呢啲无得输馅料，仲有店家秘制酱汁，有少少似千岛酱同沙律酱嘅味，总之就系好味㖞。四川麻辣鸡堡自己谂住点鸡堡，谂紧要芝菠萝鸡定四川鸡好，前者好似丰富啲咁，但个人偏好食辣，最后都系拣左四川鸡。鸡扒十分厚，虽然炸得有少少㶶，但入面仲系好juicy㗎，比起某连锁店嘅纸片鸡扒，呢度起码厚五倍，唔系得啲炸粉啰。酱汁酸酸辣辣都几好味，不过个人觉得可以再辣啲同麻啲，点得呢个口味嘅人都应该系钟意食辣㗎嘛。炸薯条&炸洋葱圈转餐可以拣一款小食，要左薯条同洋葱圈。薯条劲脆，加左味粉好香口。洋葱圈同样炸得香脆，入面个洋葱都几甜添。罐装饮品转餐仲有饮品一罐，可以再加三蚊转支装饮品。要左+
行过发现一间好得意嘅汉堡包店，店舖里里外外都系点阵图砌成，虽然外边撘左棚架，但都仲可以打下卡嘅。
睇下餐牌，价钱六十几起，加十八蚊可以转餐，都几抵食吖，试下佢先。
落完单，店员即叫即整十分爽手，大概十分钟左右已经有得拎了。厨房很简洁，完全无油烟味，用具睇落都好干净添。
叫左一人一份汉堡包餐，卖相唔错㖞，仲好香添。
WB猪牛薯堡
朋友话佢唔谂啦，一下就叫个最重量级嘅汉堡包，里面有牛肉同猪肉汉堡扒各一块，仲有流心煎蛋同薯饼，再配上芝士、生菜同蕃茄呢啲无得输馅料，仲有店家秘制酱汁，有少少似千岛酱同沙律酱嘅味，总之就系好味㖞。
四川麻辣鸡堡
自己谂住点鸡堡，谂紧要芝菠萝鸡定四川鸡好，前者好似丰富啲咁，但个人偏好食辣，最后都系拣左四川鸡。鸡扒十分厚，虽然炸得有少少㶶，但入面仲系好juicy㗎，比起某连锁店嘅纸片鸡扒，呢度起码厚五倍，唔系得啲炸粉啰。酱汁酸酸辣辣都几好味，不过个人觉得可以再辣啲同麻啲，点得呢个口味嘅人都应该系钟意食辣㗎嘛。
炸薯条&炸洋葱圈
转餐可以拣一款小食，要左薯条同洋葱圈。薯条劲脆，加左味粉好香口。洋葱圈同样炸得香脆，入面个洋葱都几甜添。
罐装饮品
转餐仲有饮品一罐，可以再加三蚊转支装饮品。要左+C同柠乐，哈哈，黄罐可乐少见嘛，试下呢罐新口味先。
店舖细细都有几个位堂食真好，炸物外卖点都失啲水准嘛。
张贴
