Deli and Wine (已結業)

约左朋友等佢放工去尖沙咀dinner,想揾间坐得舒服又可以坐好耐既餐厅,唔经唔觉对上一次离Deli and Wine已经系4年前谂起呢度食物选择多,汤面,捞面,意粉,汉堡,咖哩饭等,餐厅以快餐形式营运,收银处旁有块大餐牌,选好先落单比钱,拿好收据同号码牌,侍应就会跟号码去送上食物。今日劲想食常餐$50～炒蛋炒得好好,唔干身唔老,有蛋香,牛油多士外脆内软熟,牛油已搽满整块多士,好香脆~连煎火腿都有阵阵牛油味,简单食材煮法绝不马虎,跟餐配咖啡,奶茶,汽水。叉烧汤意粉,带点蜜汁既瘦叉烧,意粉我喜欢硬,烟韧一点的,呢个意粉软硬度适中偏软身。朋友既海鲜喇沙油面$64,喇沙汤少辣味道浓,料多都几大碗,一边倾计一边食,细食的她好快就食哂,仲话虽然好饱但好好味,喇沙汤都就饮哂～～～食到8点窗外望到文化中心正汇演幻彩咏香江