影片
更多
2015-02-12
2577 浏览
是日乃系同老公的9周年拍拖纪念日, 难得今次地点由佢提议。订了7点的台, 上去时见到一个大鱼缸,入面有十多条乌贼(鱿鱼)。问过店员,佢地话可以影相,好奇问下点解有D用个水泡装住,个日本女职员用简单英文答”WEAK”( 配合双手抱身扮冻, 好kawaii 呢) , 搭完飞机要 等状态好D先奉客。好人道咁对佢地,但最终都系食佢地落肚……哈哈个套餐牌全日文, 冇影到, 香港人店员好风趣咁话我地都会估到系咩菜式,不过佢都好耐心咁介绍有D咩系新鲜,就系蚝,同埋招牌-乌贼,咁我地就拣左个$49X/一位 嘅餐, 再加海胆+乌贼刺身(约$150/一位)。叫返杯酒来庆祝一下….cheers~~先来清酒蒸一年蚝, 来自兵库县。首先0系你面前倒清酒,再冚返盖,煮到有蒸汽出来就由店员开蚝,一边开一边讲唔系日日有得食,要日本0个边买到新鲜货先有,系真唔系呀,咁我试真D先 ………不愧系推介, 真系好鲜味, 细细只好爽身,嫩口多汁,冇乜金属味(个人喜好),我呢个对蚝一般好嘅人都食到停唔到口!之后就系刺身, 店员一一介绍, 有鲷鱼,秋刀,吞拿,𩽾𩾌鱼配酸汁,北寄贝同埋鱼冻(SORRY有D唔记得了)。全部都好新鲜,尤其
是日乃系同老公的9周年拍拖纪念日, 难得今次地点由佢提议。
订了7点的台, 上去时见到一个大鱼缸,入面有十多条乌贼(鱿鱼)。
问过店员,佢地话可以影相,好奇问下点解有D用个水泡装住,个日本女职员用简单英文答”WEAK”( 配合双手抱身扮冻, 好kawaii 呢) , 搭完飞机要 等状态好D先奉客。好人道咁对佢地,但最终都系食佢地落肚……哈哈
个套餐牌全日文, 冇影到, 香港人店员好风趣咁话我地都会估到系咩菜式,
不过佢都好耐心咁介绍有D咩系新鲜,就系蚝,同埋招牌-乌贼,
咁我地就拣左个$49X/一位 嘅餐, 再加海胆+乌贼刺身(约$150/一位)。
叫返杯酒来庆祝一下….cheers~~
先来清酒蒸一年蚝, 来自兵库县。首先0系你面前倒清酒,再冚返盖,煮到有蒸汽出来就由店员开蚝,
一边开一边讲唔系日日有得食,要日本0个边买到新鲜货先有,
系真唔系呀,咁我试真D先 ………不愧系推介, 真系好鲜味, 细细只好爽身,嫩口多汁,冇乜金属味(个人喜好),
我呢个对蚝一般好嘅人都食到停唔到口!
之后就系刺身, 店员一一介绍, 有鲷鱼,秋刀,吞拿,𩽾𩾌鱼配酸汁,北寄贝同埋鱼冻(SORRY有D唔记得了)。全部都好新鲜,尤其是秋刀,富油香,回味无穷。反而吞拿就冇乜特别。
当海胆+乌贼刺身上台时, 分量都唔算少。乌贼可以点乌贼肝汁+姜(图下)而海胆就紫菜青瓜。乌贼本身冇咩味,微微鲜甜,爽脆,点个汁就刚好,但唔觉精彩。
海胆几鲜甜,冇腥味,不俗。
当半饱时日本店员奉上个烧吞拿鱼鲛, 真系”吓”左一下,咁大嘅?不过佢话系骨多㖞(MANY BONES), 其实……都好多肉呀, 点酸汁吃, 肉质偏实不过不失。此时香港店员话初初开店套餐份量仲多,因为店长惊客人食唔饱………….而家已经调整左。我谂用心做食店嘅人,
系希望自己赚钱之余,食客开心捧住肚子满足咁走,下次都会帮衬…..谂起而家街头几十蚊一兜鱼蛋,
真系唏嘘………..
仲努力紧0系个鱼鲛之时, 上左煮鱿鱼须……..弹牙好味,加D七味粉,送下酒~
冇几耐上埋炸蚝, 炸得酥脆, 内里JUICY不过金属味重D(可能煮法不同),我都系钟意清酒蒸食佢个原味多D。
真系好饱喇…….所以墨汁意粉我俩只吃了小许,意粉沾满墨汁,像海的味道, 几好。吃剩大半碟pack走明天吃……嘻嘻
晚餐以木槺布甸作结, 份量贯彻始终, 都系大件。好味!呢个冇得带走,食得干干净净。
最后埋单约$1700, 拖住大肚腩满足返家,当时已经10点几,
等LIFT时全体店员出哂来店外讲Byebye,
搅到我地有D唔好意思,好有趣,有一种尊重客人嘅感觉
当晚用餐时店员上菜时细心讲解之外, 仲会问下上一道好唔好食菜,
而我地嘅答案系好食!
不过份量对于我地来讲比较多。
好食而且员工态度好 的店,
一定会再来!
张贴
