影片
更多
2010-09-02
4 浏览
今天又是寿司天, 适逢9月有会员 $50现金券, 当然唔好坐失良机啦, 反正板长都系我哋杯茶<服务>入面有位而出面又无人等位, 都要等成 5分钟先安排入去, 店员虽多但无人理门外既客人, 我哋之前既几个冧把客人应该系咁而走咗, 真要反省一下d 碟好多时摆到搭起晒都无人理, 搞到枱面无晒位, 加茶又唔多勤力<食物>1) 虾膏甜虾军舰 ($10/pc) - 依然好味, 虾膏同甜虾真系绝配, 每次嚟都必叫 2) 火炙三文鱼腩寿司 ($9/pc) - 三文鱼腩薄得好严重, 好似 3张 A4纸咁既厚度, 下次唔知会唔会变成 1张A4纸呢 ? 3) 火炙鳗鱼寿司 ($13/pc x 3) - 虽然 $13一件看落比较贵, 但鳗鱼好厚身好有口感, 之后仲 encore 咗多一件 4) 板长虾 ($10/pc) - 招牌虾真系好一般啰, 好干 !5) 海胆军舰 ($13/pc x 2) - 近期食过最好既, 海胆都算大size6) 软壳蟹手卷 ($20/pc) - 用劣嚟形容最好不过, 虽然炸得热辣辣, 但紫菜油淋淋, 软壳蟹又得个壳, 一d肉都食唔到… 7) 蟹肉蟹膏
<服务>
入面有位而出面又无人等位, 都要等成 5分钟先安排入去, 店员虽多但无人理门外既客人, 我哋之前既几个冧把客人应该系咁而走咗, 真要反省一下
d 碟好多时摆到搭起晒都无人理, 搞到枱面无晒位, 加茶又唔多勤力
<食物>
1) 虾膏甜虾军舰 ($10/pc) - 依然好味, 虾膏同甜虾真系绝配, 每次嚟都必叫
2) 火炙三文鱼腩寿司 ($9/pc) - 三文鱼腩薄得好严重, 好似 3张 A4纸咁既厚度, 下次唔知会唔会变成 1张A4纸呢 ?
3) 火炙鳗鱼寿司 ($13/pc x 3) - 虽然 $13一件看落比较贵, 但鳗鱼好厚身好有口感, 之后仲 encore 咗多一件
4) 板长虾 ($10/pc) - 招牌虾真系好一般啰, 好干 !
5) 海胆军舰 ($13/pc x 2) - 近期食过最好既, 海胆都算大size
6) 软壳蟹手卷 ($20/pc) - 用劣嚟形容最好不过, 虽然炸得热辣辣, 但紫菜油淋淋, 软壳蟹又得个壳, 一d肉都食唔到…
7) 蟹肉蟹膏军舰 ($9/pc x 2) - 不试也罢, 虾膏甜虾好得多
8) 安康鱼肝卷 ($25/4pcs) - 虽然唔知鱼肝系咩味道, 但感觉良好
9) 稻烧鲣鱼寿司 ($8/pc) - 稻烧同火炙差唔多, 但鲣鱼既味道唔特出, 可以不试
10) 稻烧海鳗寿司 ($8/pc x 2) - 海鳗都可以, 虽然无 $13 既鳗鱼咁有口感, 但都试得㖞
11) 炙烧宫城秋刀鱼 ($8/pc) - 食到一半先发现嚟错咗, 嚟咗一款又辣又唔得既秋刀鱼
12) 三文鱼子军舰 ($10/pc) - 无试过, no comment
13) 烧玉子 ($12) - 男友至爱, 次次嚟都食咁滞
14) 甜虾牛乳白汤 ($18) - 味道依旧吸引, 每次嚟都系必叫, 今次仲超多紫菜, 正 !
15) 虾天妇罗 ($25) - 又系炸到d 油浮晒出嚟, 成件天妇罗油淋淋, 张底纸都吸唔晒d 油, 唯有响碟酱汁度游多嚟游去整走d油啦… 又一劣作 !
16) 枝豆 ($12) - 虽然比元气大碗好多, 但味道就差好远, 元气系用盐水浸, 而呢度就系咁意响枝豆面洒d盐, 结果面既枝豆好咸, 底果d就淡而无味
17) 日式甜蕃薯 ($15) - 蕃薯肉林林, 蕃薯皮就烟烟靱靱, 几得意, 但皮外淋既一层超甜浆, 都系一件起两件止喇
18) 芝士蛋糕 ($18) - 蛋糕好松身, 会食到碎溶溶咁, 而味道就啱晒我口味, 有d牛奶味亦有点芝士味
二人共消费 : $265
张贴
