影片
更多
2023-06-16
135 浏览
早排讲起想食铁板烧，即刻想encore返铁人旨花，今次咁岩撞正佢地9周年庆，系社交平台见到有折！即刻就book左了。铁人旨花入面装修都几高级架，气氛舒适，仔细D睇装修仲有好多细节，都算系一间几高级既日本餐厅。入座之后，d Staff 都好主动同我们介绍菜单同drinks。当然佢地既介绍好专业，仲好耐心回答了我们既问题，仲比左d建议我地。因为我地事先系Whatsapp订位，拣左个promo set，最难忘既系龙虾刺身，烧鲍鱼同A5和牛。先嚟讲前菜有溏心鲍鱼啦，一咬落去就感受到鲜甜嘅汁液流出黎，d肉质都好软熟，啖啖都好滋味。糖醋蕃茄都好好食，蕃茄细细粒，加上d糖醋酱汁，酸甜味道好平衡，令人食嘢嘅时候唔会觉得腻。仲有沙律，D菜叶都好新鲜，d酱汁都好开胃。跟住就系龙虾刺身，佢系由新鲜嘅龙虾肉切成片，加少少日本酱汁同wasabi，d龙虾肉好鲜甜，口感弹牙。日本酱汁同芥末都好恰到好处，唔会盖过龙虾嘅鲜味，d味道非常之夹。同埋佢唔系得一块半块，系足足一只龙虾的份量，完全唔洗就住就住食，劲满足。跟住仲有一道时令刺身拼盘，味道都十分新鲜，始终呢间餐厅另外一面有做omakase，质素同鲜度都非常有保证。而
铁人旨花入面装修都几高级架，气氛舒适，仔细D睇装修仲有好多细节，都算系一间几高级既日本餐厅。
入座之后，d Staff 都好主动同我们介绍菜单同drinks。当然佢地既介绍好专业，仲好耐心回答了我们既问题，仲比左d建议我地。因为我地事先系Whatsapp订位，拣左个promo set，最难忘既系龙虾刺身，烧鲍鱼同A5和牛。
先嚟讲前菜有溏心鲍鱼啦，一咬落去就感受到鲜甜嘅汁液流出黎，d肉质都好软熟，啖啖都好滋味。糖醋蕃茄都好好食，蕃茄细细粒，加上d糖醋酱汁，酸甜味道好平衡，令人食嘢嘅时候唔会觉得腻。仲有沙律，D菜叶都好新鲜，d酱汁都好开胃。
跟住就系龙虾刺身，佢系由新鲜嘅龙虾肉切成片，加少少日本酱汁同wasabi，d龙虾肉好鲜甜，口感弹牙。日本酱汁同芥末都好恰到好处，唔会盖过龙虾嘅鲜味，d味道非常之夹。同埋佢唔系得一块半块，系足足一只龙虾的份量，完全唔洗就住就住食，劲满足。跟住仲有一道时令刺身拼盘，味道都十分新鲜，始终呢间餐厅另外一面有做omakase，质素同鲜度都非常有保证。
而之后终于到左teppanyaki既环节，先黎系煎鳕鱼，佢将个鱼皮同鱼肉分开处理，鱼皮煎成一块脆片，而鳕鱼本身肉质我本身都好钟意，一定唔会嚡熠熠，而配上既酱汁都提高左个鲜味。接住落黎就系个烧鲍鱼，只鲍鱼系有成只手掌咁大，师傅煎完之后系好远都已经闻到阵烧海鲜味，而个份量岩岩讲左有成成手掌咁大，可以慢慢细味。到最后就系个薄煎A5和牛，一开始师傅已经show左比我地睇件牛，睇到d雪花边系劲均衡所以已经好有期望。果然加上师傅既加持，配上左葱同蒜片，佢仲分开左4小件，方便一口可以食一件，肉汁非常饱满，完完全全善用左呢旧和牛既油脂分布。系意犹未尽既时候,师傅就准备左一个时令炒饭同星班鱼汤作为热食既小总结，佢地会用唔同既时令配料去做个炒饭而今次佢地用左干瑶柱，成个食感唔会话太饱或者太腻，而家鱼汤用左东星班做材料，本身都好够鲜味，算系一个几唔错既小总结。最后甜品系一个黑糖抹茶雪糕，本身以为都系普通雪糕，点知配上左黑糖都几特别。
整体黎讲，整个体验都非常满意，特别一提既系d staff 都服务系做得好足同好有礼貌，呢样野系日本餐厅系不可缺少。而CP值都可以话系好值得，加上佢地个今次个promo set 真系性价比超高，晚餐黎讲我地两个人去食每人一千都唔洗，仲好适合系生日饭或者庆祝饭。不过呢个promo set 无得walk-in叫一定要透过社交平台或者Whatspp 预订，而且个staff仲话我地好好彩因为呢个set未必guarantee到tepannyaki table。
仲有就系当晚我地隔离叫左另外一个龙虾餐，偷听到d介绍既时间都心郁郁，因为佢地用左海胆，虾膏同龙虾汁做既酱去配个铁板烧龙虾，睇落真系好正，好想再食😛
张贴
