京香閣 (已結業)

早前系网上团购见到呢间京香阁做紧优惠, $200几蚊任食90分钟高级京菜自助餐, 每位送原只鲍鱼花菇同埋花胶鸡汤, 另外仲有京式片鸭, 小笼包等四十多款菜式任食, 非常吸引。今日约左爸妈黎食返餐, 预先庆祝父亲节。😄京香阁位于上环无限极广场, 商场连接上环港铁站, 非常方便。我地订左18:30枱, 到餐厅时已经差不多全场满座。餐厅唔算好大间, 一入门口就见到师傅即场制作京式片皮鸭位置, 旁边系自取任食区域, 京菜, 前菜, 酸辣汤等任食之外, 仲有饮品任饮。另外京式点心, 甜品就系用点餐纸点选, 任点任食。😙入座冇耐店员就上左每位一客的鲍鱼花菇同花胶鸡汤, 原只鲍鱼大大只, 口感软腍之余富有弹性, 味道唔错。花胶鸡汤就唔大碗, 不过都有花胶, 鸡汤味道鲜浓。👍京式片皮鸭有师傅在场不断炮制, 鸭皮香脆, 加上配菜同酱汁, 非常惹味, 另外我地仲攞左鸭脾食, 鸭肉嫩滑多汁。👍前菜小食款式好多, 我地自制左几碟京式四小碟, 食物质素唔错, 平时系餐厅散点都差唔多要$100碟, 任食当然要食多d。😆主菜熟食种类都唔少, 不过我地对点心同甜品兴趣比较大, 小笼包皮唔算好薄, 可以好好咁锁住肉汁,