影片
更多
2022-10-13
344 浏览
临近中秋, 放工同太太食餐好, 假日经过德福呢间台式火锅放题餐厅, 经常都出现人群排队, 可见人气, BOOK定台今晚尽情大饮大食!四款套餐价钱选择. 拣咗---澳洲黑毛牛肩押肉套餐, 而汤底就8选1, 拣咗一品酸菜白肉锅。入座起计90分钟无限任饮任食, 肉类同部份火锅配料以SCAN QR code落单, 餐厅一个角落设自助区, 整齐放著多款火锅配料, 包括有丸类、蔬菜类、酱料, 仲有台湾小食自助区, 供应台湾特定小食, 例如地瓜丸、台湾肠、台式甜品(DIY芋圆仙草)等等….饮品方面就有几个大雪柜, 除了有罐装汽水、果汁, 仲有冷泡茶, 岩哂放题打边炉清下热。汤底极速上台, 一品酸菜白肉锅内有几片猪肉片, 汤底酸味味, 令人胃口大开。我地呢个套餐有齐猪、牛、羊、鸡, 第一round当然点哂所有款嘅牛试试。澳洲黑毛牛肩押肉: 切得大大片, 油花唔算多, 但分布均匀, 肉质软嫩中富有弹性美国特选极佳牛肉: 油花分布较为集中, 肉味相对重一d上选安格斯牛肉: 呢款牛系呢间餐厅最basic嘅款式, 当然油花纹理冇咁吸引, 质素相对黑毛牛当然比不上。牛胸爽: 熟后超爽滑, 好食不过易令人觉得得腻
四款套餐价钱选择. 拣咗---澳洲黑毛牛肩押肉套餐, 而汤底就8选1, 拣咗一品酸菜白肉锅。
入座起计90分钟无限任饮任食, 肉类同部份火锅配料以SCAN QR code落单, 餐厅一个角落设自助区, 整齐放著多款火锅配料, 包括有丸类、蔬菜类、酱料, 仲有台湾小食自助区, 供应台湾特定小食, 例如地瓜丸、台湾肠、台式甜品(DIY芋圆仙草)等等….饮品方面就有几个大雪柜, 除了有罐装汽水、果汁, 仲有冷泡茶, 岩哂放题打边炉清下热。
汤底极速上台, 一品酸菜白肉锅内有几片猪肉片, 汤底酸味味, 令人胃口大开。
我地呢个套餐有齐猪、牛、羊、鸡, 第一round当然点哂所有款嘅牛试试。澳洲黑毛牛肩押肉: 切得大大片, 油花唔算多, 但分布均匀, 肉质软嫩中富有弹性
美国特选极佳牛肉: 油花分布较为集中, 肉味相对重一d
上选安格斯牛肉: 呢款牛系呢间餐厅最basic嘅款式, 当然油花纹理冇咁吸引, 质素相对黑毛牛当然比不上。
牛胸爽: 熟后超爽滑, 好食不过易令人觉得得腻, 饱肚。
美国猪梅花: 色泽粉嫩, 细嫩柔软, 味道甘香。
阿嬷烧鸡酒: 鸡件腌得入味, 熟后依然食到阵阵酒香。
熟食嘅牛杂好入味。
套餐亦包含了几款海鲜,鲷鱼片: 鱼质太林, 一夹就难, 鱼味唔太重
海虾: 未至于肥美, 但至少唔系死虾煤嘅口感。
蚬: 都几大只, 而且冇沙
墨鱼滑: 质地唔弹牙, 偏林身, 有墨鱼幼粒增加层次。
台湾鸭血: 较为薄咗d, 质感少许弹滑鱼皮: 香脆冇苦涩味
最后留肚食甜品, 有韩国雪条同埋香港品牌嘅海盐雪糕任食。另外, 再亲手调配咗碗台湾仙草生果蒟蒻, 超满足!!!
张贴
