NINETYs (星光行) (已結業)

喺诚品书店扮完文青打完书钉，想试吓店内餐厅，就选择咗眼前嘅呢间NINETYs。今日行得耐坚肚饿，所以叫得丰富啲，拣咗Boston Lobster Pasta🦞奖励吓自己。蕃茄意粉配半只龙虾，有蕃茄仔所以特别开胃，龙虾钳大大只非常打卡able。话明要叫得丰富啲，就当然要叫多啲主食，所以另外拣咗Crab & Burrata Cheese Pizza。佢系一个手工薄饼，所以都制作需时，但以佢嘅味道嚟讲系绝对值得等待。薄饼之上有蟹肉、三文鱼子、蕃茄、芦笋等等嘅食材，丰富又美味。Sauvignon White Grape系法国嘅提子汁，清甜又解渴。起初以为呢杯Milk Oolong系一杯冻奶茶，原来佢奶嘅成份系混入咗喺茶叶入面，所以目测变成一杯清茶，配合大量嘅冰块特别解渴。除此之外，NINETYs亦有提供各式包点同咖啡，自认有品味嘅我下次都会再帮衬。