米孜然 (已結業)

系杂志上见到有介绍，但一直都冇机会去食，终于今日单机一个人食饭，就决定黎试下。杂志上介绍有两种饭$32，仲大大碗咁。但原来饭类可以选择大定细，大的32$，细的28$，而且饭类仲会送纸包饮品，汽水就加$2。落单时仲谂紧要大定细好，(应该系)老细就话大既就多一半。咁计落好似大既抵好多，但惊太饱就要左个细既。午餐时段人流唔系好多，但由于应该系即叫即制，所以都要等返一阵先有得食！💁🏻洋葱鸡扒饭$28 连纸包饮品一碗入面有4块鸡肉，食落好似有小小酒味，个皮咬落有小小脆，美中不足既系皮到有㶶左小小，搞到放落饭到，饭都有小小灰灰地😂😂而饭方面，淋上左满满的洋葱汁，份量刚刚好，食落微甜。整体黎讲28蚊咁既质素与份量相当抵食。