影片
更多
2018-06-17
1175 浏览
「梦想」到底系咩一回事？小学生上堂发下梦幻想将来要写一篇我的志愿？定打工仔返工时候放空无聊狂想几时退休？「梦想」呢两个字，看似简单，又好似遥不可及。从小到大，我都「梦想」可以开一间属于自己嘅咖啡馆，每日饮住唔同产地嘅咖啡，同唔同嘅知音人交流心得。不过，喺香港，我呢个「梦想」就好似遥不可及，只系合适商店嘅租金，已经令我嘅「梦想」落半闸。虽然「梦想」好远，但依然无影响我嘅幻想，闲时假日钟意探索唔同嘅咖啡馆，静待一个下午，让心情放空一下，感觉一下。👉🏻未开始介绍食物前，我想简单介绍一下「Ninety's」嘅小小背景；其实一开头都唔系好认识呢间餐厅，不过佢嘅整体表现太令我印象深刻，系进餐期间我同员工沟通之中又得知老板系90后，所以当晚食完饭返屋企，好奇心下就即刻上网search下来头。老板Bruno Koo，系一个90后，17岁就开始接触咖啡，2011年更喺圣地牙哥拉花比赛得奖，之后佢去过台湾和同埋悉尼开咖啡店☕️「Ninety's」中文意思系90，睇返啱啱开业各大传媒访问佢嘅片段，佢解释改名叫90系因为每样野都想做到90分(留返10分有进步嘅空间)，加上佢自己系一个90后，所以顺理成章改名「N
小学生上堂发下梦幻想将来要写一篇我的志愿？定打工仔返工时候放空无聊狂想几时退休？「梦想」呢两个字，看似简单，又好似遥不可及。
从小到大，我都「梦想」可以开一间属于自己嘅咖啡馆，每日饮住唔同产地嘅咖啡，同唔同嘅知音人交流心得。
不过，喺香港，我呢个「梦想」就好似遥不可及，只系合适商店嘅租金，已经令我嘅「梦想」落半闸。
虽然「梦想」好远，但依然无影响我嘅幻想，闲时假日钟意探索唔同嘅咖啡馆，静待一个下午，让心情放空一下，感觉一下。
👉🏻未开始介绍食物前，我想简单介绍一下「Ninety's」嘅小小背景；
其实一开头都唔系好认识呢间餐厅，不过佢嘅整体表现太令我印象深刻，系进餐期间我同员工沟通之中又得知老板系90后，所以当晚食完饭返屋企，好奇心下就即刻上网search下来头。老板Bruno Koo，系一个90后，17岁就开始接触咖啡，2011年更喺圣地牙哥拉花比赛得奖，之后佢去过台湾和同埋悉尼开咖啡店☕️「Ninety's」中文意思系90，睇返啱啱开业各大传媒访问佢嘅片段，佢解释改名叫90系因为每样野都想做到90分(留返10分有进步嘅空间)，加上佢自己系一个90后，所以顺理成章改名「Ninety's」。
有缘嚟到「Ninety's」，只因为呢一日同同事行街，路过湾仔皇后大道东合和中心对面，就见到呢间透明落地大玻璃嘅咖啡餐馆
门面睇黎唔算细，不过店面积就唔算好大，枱櫈都拍得密密麻麻，冇办法！香港地价租金都贵，呢个情况都正正反映年青人有梦唔敢追， 宁愿用尽一生努力成为「楼奴」成间餐厅设计走「工业风」
主要用上钢铁做素材，然后配上木枱，从每一个细节都可以见到老板同埋设计团队嘅用心。
开放式厨房设计
左边系热食烹调区；右边主要系轻食饮品区。厨房里面摆放得好整齐，绝对唔能够相信可以煮出如此高质嘅菜式！水吧位置放咗部金色嘅咖啡机，相信都价值不菲，坚持返老板对咖啡嘅执着幸运地，我哋夜晚7点嚟到，庆幸人仲未算好多，所以唔需要等位被安排入座之后，员工马上递上餐牌。
餐牌设计好简单，但系感受到系精心设计过；
一块金属嘅排版，夹住咗厚牛皮嘅封面，封面印上咗咖啡厅嘅标志-「九」；打开内页，餐牌冇图片，无graphic，只系米白色嘅纸同埋黑色嘅字，但系你会睇到感觉好舒服。
啊！重要一提，餐牌只有英文，老板似系真系想营造一个澳洲cafe嘅感觉。生活喺香港，好多人都话「梦想」唔可以当饭食，的确！望一望menu，三百几蚊一个龙虾汉堡，以至一百几十蚊一碟意粉，老板将佢喺澳洲得到嘅经历，餐牌嘅设计带到香港，其实系咪真系合适？老板嘅梦，要唔要醒过来？
入座之后，我哋打开openrice，参照咗过往嘅食评，参考左相片，最后拣咗四样我哋最想食嘅嘢。厨房细细，心情都好期待到底食物质如何。
纠结咗一轮，落完单已经接近7:15，开始人流不绝，座内都已经坐满客人，我好奇到底大家系咁岩路过？定系呢间餐厅食物质素确实高质，早有名气？
闻名不如一尝！第一道前菜大约10分钟就呈现眼前。
Barbecued Spanish Iberico Spring Roll $68
Barbecued Spanish Iberico Spring Roll
$68
97 浏览
0 赞好
0 留言
外表睇落普通嘅春卷夹起嘅时候见到只磨砂质地嘅碟其实都有少少油，我谂厨房可能缺少咗隔油嘅部份；虽然冇金黄色，不过食落口非常香脆！想赞一赞，佢嘅馅料唔少，更加有估唔到嘅惊喜！原来里面隐藏住香港人成日加𩠌嘅「叉烧」！起初只系以为有菠菜同埋肉丝，但系咬下咬下寻觅到叉烧，叉烧更加唔系切粒嘅碎状，而系完整嘅一细件，包系春卷入面炸过，叉烧冇咗平时𠮶种烧腊蜜糖味，但系依然入味，猪味浓郁但唔骚，质感松软。必须提一提个酱汁，我同朋友食晒春卷都估唔到佢系乜嘢材料整成，青绿色嘅酱汁酸酸地，冇草青味但系又会觉得佢系植物，呈现稀稀地嘅状态，配春卷好match好清新，后来一问员工，佢哋同我讲原来系芫荽整出嚟嘅酱料，立马吓咗一下，因为从小到大我都好怕芫荽，今日简直系史无前例，天上有地下无嘅一次，口腔同芫荽有亲密接触，当然唔钟意食芫荽嘅我绝对欣赏呢个酱汁，食完唔口臭添！
.
Piggy Piggy $148
Piggy Piggy
$148
95 浏览
0 赞好
0 留言
从来都唔食🐷猪腩肉嘅我，因为见到人哋影出嚟嘅相真系好吸引，所以决定破戒食一次！呢个汉堡包摆盘唔花巧，轻轻利用黄芥末画碟。汉堡包睇落超巨大，一个人应该真系食唔晒！
两块厚厚嘅猪腩肉夹左系中间，有啲红菜头丝，羽衣甘蓝，同埋青苹果薄片。打开汉堡包面望真啲，两块厚约3cm嘅猪腩肉色泽光鲜，多汁唔干，脂肪比例高；
我切左一件晶莹剔透嘅脂肪部位放入口，入口即溶，油脂味渗透味蕾，佢仲要比普通港式叉烧更入味，似烧烤蜜糖汁，甜甜地唔咸，仲好入味！苹果切得好薄！青苹果嘅酸甜减低左猪腩肉嘅油腻；羽衣甘蓝清新爽脆；红菜头因为迟咗丝，所以其实味道唔系好出，不过有增加口感嘅作用。.
20Mins Slow Cook Norway Salmon $168
20 Mins Slow Cook Norway Salmon
$168
104 浏览
0 赞好
0 留言
今次叫咗呢个20分钟慢煮挪威三文鱼，落单嘅时候侍应已经同我地讲呢个可能要等20到30分钟，不过唔紧要，食饭本来就系一件休闲嘅事情。系我哋食汉堡食到一半嘅时候，热辣辣嘅三文鱼随即送上！
一个简单嘅菜名，「Ninety's」完全将慢煮三文鱼发挥得淋漓尽致！
慢煮三文鱼比手掌长一啲，下面垫咗酸椰菜丝，旁边有一个摆放得好精致嘅番薯茸，另外一边就放咗啲炒洋葱蔬菜粒；另外淋上咗酸酸地嘅黄芥末汁系三文鱼上面，呢个摆盘就如一个艺术品！
讲返个味道，从来未食过咁滑嘅三文鱼！我谂除咗同烹调方式有关之外，佢应该用咗三文鱼腩嘅部份，脂质比例较高，所以入口又香又滑！
20 Mins Slow Cook Norway Salmon
33 浏览
0 赞好
0 留言
酸椰菜嘅味道，就好似德国菜中伴德国猪手𠮶啲椰菜一样，将椰菜切丝，混咗少少柠檬汁同埋黑胡椒，酸中带出少少黑胡椒嘅香；
番薯茸打到好香滑，奶味比较重，但系冇遮盖左番薯本身嘅甜味；
炒洋葱粒系成碟菜里面调味最多嘅部份，洋葱味欠奉，食落有啲油，但如果只做伴碟，系可以接受；黄芥末酸酸地，唔辣，令到味道层次更上一层楼。
.
Mini Donut Toast $68
Mini Donut Toast
$68
107 浏览
0 赞好
0 留言
顾名思义呢个甜品系碳水化合物极高嘅，冬甩中间放咗一球芝麻雪糕，伴朱古力酱，有开心果碎同埋crumble碎，美感十足，赏心悦目！迷你冬甩一啲都唔油，而且密度高，非常饱肚！
Mini Donut Toast
118 浏览
0 赞好
0 留言
.
「梦想」系咪真系可以当饭食？己见系咪值得坚持？将澳洲嘅风格带嚟香港，价钱又唔系算平，到底呢门生意可以坚持几耐？要欣赏嘅人总不少，不过能唔能够战胜现实就真系不得而知，我当然希望佢能够继续经营，因为论食物质素同环境，都绝对感受到佢嘅诚意！
呢度最出名嘅系咖啡☕️，因为食晚餐怕饮咗咖啡会瞓唔着，唯有下次先再嚟品尝佢嘅得奖咖啡；
此外见到佢水吧位置放咗一个个相当巨型嘅muffin同scone，作为面包控其实真系好想试，不过今次因为太饱嘅关系未能有缘一尝。
顺带一提，其实呢间咖啡馆有分午餐同晚餐嘅menu
因为食完佢嘅晚餐太惊喜！所以不自觉咁参考左佢午餐嘅餐牌，午餐时段嘅lobster Benedict 感觉都相当吸引，唯有留待下次再会面！
张贴
