NINETYs (皇后大道東) (已結業)

平时都好钟意周围是咖啡店，见到湾仔新开左呢间咖啡店即管又来试吓！一入到去环境都几宽躺，楼底高，有一种舒适简约新潮的感觉。叫咗一杯我最钟意饮嘅flat white,佢哋嘅milk coffee有分用choco blend or fruity blend coffee beans, 我拣咗 choco blend( PNG 25%, Brazil 25%, Peru 50%)。杯咖啡一上枱就觉得好精美，个拉花几好，再配埋蓝莓干，用嘅餐具都几靓，店员有解释蓝莓干系用嚟带出咖啡本身个味道，一试之下，果然咖啡𠮶种dark chocolate嘅味道更加突出！咖啡嘅body适中，唔会太水，亦冇任何苦涩味，真系做得唔错！至于另外一杯手冲肯亚咖啡，有轻微花香味道，配上杏仁，令到个咖啡更加有新鲜果酸嘅味道，都算做得唔错，但系唔够milk coffee咁impressive, 而佢地提供嘅single origin豆亦冇乜特别吸引。有同佢地90后嘅老板Bruno倾计，原来佢已经有10几年冲咖啡嘅经验，喺台湾同澳洲都有开咖啡店，佢觉得而家香港咖啡已渐趋成熟，所以返嚟开。佢哋啲咖啡豆系由澳洲直送过嚟，风格都会有