橫濱麵大將

营业中

休息中

小弟星期日晚冇煮饭，一家人去apita嘅food court食晚饭，我就食乌东，老婆离远见到间面舖有鳗鱼饭，叫我去买，行到埋去先见到佢成90蚊一个食，我心念，和民，都系好似差唔多价钱，香港啲鳗鱼10居其9都系大陆，高质嘅可能系台湾，但我唔信呢间会系。鳗鱼最紧要热烤就好食，如果唔系贵嘢，一般都系用街买嘅鳗鱼汁就算。apita就有日本鳗鱼汁卖。但系呢间嘢就一般，唔觉佢有烤，其实求奇揾枝火鎗啡吓，就够哂香，一般去元气寿司都系咁做。我觉得佢嘅鳗鱼饭只值65蚊。定食有嘢饮，我话要奶茶，佢话得零茶零水。即刻冇隐，叫佢比多杯水，佢话每人得一杯，一系嘢饮一系水! 去到呢度，我好希望有第二间嘢顶佢个位。