影片
更多
2024-03-29
3829 浏览
有时想食素自助餐🌱都会谂起呢度，主要为咗佢的即磨咖啡☕，我估好少素食自助餐厅会有咖啡机架。今次食第一轮的自助午餐，1130-1245。可能系平日，所以未满座，但食客都唔少，大家一开始就好快出去拎食物🍴，而食物都集中放同一位置，所以都几逼。餐厅热盘🍲、炸物🍤、蔬菜🥦、沙律🥗等选择兼备，汤同甜品各有2-3款。不过，今次我想拣啲清清哋的嘢食，而当我放弃咗煎炸食物后，发觉余下选择就唔系咁多🥲。前后拎咗2碟食物🍽️，而部分嘢食都经已重复。另外亦试咗绿豆沙同攞咗1杯咖啡☕。上次嚟应该系几个月前，果次斟咖啡的经验几好，咖啡出得快，而且有2款植物奶🥛供应。今次咖啡机只提供50/100毫升出水量，装满1杯要搞几次，心很累😮💨（仲有其他人等，冇可能霸住部机连㩒几次）。最后，勉强㩒咗3次，攞咗200ml咖啡☕，而植物奶🥛只有1款，系pea milk。整体嚟讲，餐厅的清淡口味食物选择偏少，而煎炸、油炒类较多（好似薄饼🍕）；饮品方面，想饮即磨咖啡☕就需要耐性。台与台之间距离几接近，台面唔大，座位亦窄，少地方可摆放私人物品👜🛍️。食物区集中，未客满已经觉得几挤逼。餐厅位于旺区，呢个系卖点，交通方便👍🏻。另外，呢度免
今次食第一轮的自助午餐，1130-1245。可能系平日，所以未满座，但食客都唔少，大家一开始就好快出去拎食物🍴，而食物都集中放同一位置，所以都几逼。餐厅热盘🍲、炸物🍤、蔬菜🥦、沙律🥗等选择兼备，汤同甜品各有2-3款。
不过，今次我想拣啲清清哋的嘢食，而当我放弃咗煎炸食物后，发觉余下选择就唔系咁多🥲。前后拎咗2碟食物🍽️，而部分嘢食都经已重复。另外亦试咗绿豆沙同攞咗1杯咖啡☕。上次嚟应该系几个月前，果次斟咖啡的经验几好，咖啡出得快，而且有2款植物奶🥛供应。今次咖啡机只提供50/100毫升出水量，装满1杯要搞几次，心很累😮💨（仲有其他人等，冇可能霸住部机连㩒几次）。最后，勉强㩒咗3次，攞咗200ml咖啡☕，而植物奶🥛只有1款，系pea milk。
整体嚟讲，餐厅的清淡口味食物选择偏少，而煎炸、油炒类较多（好似薄饼🍕）；饮品方面，想饮即磨咖啡☕就需要耐性。台与台之间距离几接近，台面唔大，座位亦窄，少地方可摆放私人物品👜🛍️。食物区集中，未客满已经觉得几挤逼。餐厅位于旺区，呢个系卖点，交通方便👍🏻。另外，呢度免加一，全自助。以每位$98任食计💵，如果唔挑食、对环境唔太讲究，咁都几抵食~
张贴
