Neighbor (已結業)

抵食程度來講，依家個牛扒都幾正。其實成日經過呢個門口，都冇入過去食。而更吸引我嘅地方就係佢有$99 嘅雪花牛扒。我心諗唔會中伏掛，會唔會又係嗰啲咬唔開既牛扒。點知食落去好淋，切落去果下已經知道咬得開。佢依度最生可以做到五成熟，牛味都幾重，呢個價錢食到咁，都冇乜好挑剔。之後再叫多咗個漢堡餐，都幾大份，食得飽。薯條幾脆。漢堡除咗有兩塊扒之外仲有隻蛋喺上邊添。唯一唔好係夜晚黑比較多人有啲嘈。兩個人食飯算係幾正。