香港大學校友會

营业中

休息中

每年契婆生忌，契姨妈同契舅父都会宴席亲友，纪念先人，去年十月o既晚宴就设于中环「香港大学校友会」。顾名思义，「香港大学校友会」主要招待曾经或现正就读香港大学o既校友。其餐饮部以会所形式经营，一经电脑核实校友身分，即可免费成为会员，而非校友如欲光顾，必先成为会员并全数缴付入会费及年费。除咗主人家之外，原来同桌多位宾客都系港大毕业生 ，所以对会所一啲都唔陌生，就连大厨个底佢地都起得一清二楚 ，未有投考港大o既小肥唯有整晚静静食饭，暗地里于脑海写下笔记。「港大校友会」设于二楼，其大厦门口为巴士站，地鐡亦不远，地点方便得很，可能离兰桂坊只隔一个街口o既关系，周末晚市订位都几难架。餐厅大堂以圆枱散座为主，望落去都几迫吓，加上楼面低，声浪颇为嘈吵，好在当晚有房坐，叫做隔咗少少音。服务方面，楼面伙计似乎只按章工作，虽态度无不善之意，但亦不显得细心落力，好一般啰！菜单上有一大半为「陆羽茶室」o既招牌菜式 ，多得校友们爆料，先知原来大厨曾任「陆羽」厨师，唔怪得知啦！ 烧云腿鸽片：云腿鸽片乃陆羽名菜之一，小肥其实食唔出「港大校友会」个版本有咩分别，因为鸽片同样香嫩入味，伴碟o既烧云腿亦同属香脆浓郁