六十六十火鍋 (已結業)

虽然依排天气热番, 但系间唔中都会有打边炉既冲动!朋友知我心意, 所以今日就带左我黎依间六十六十火锅餐厅地点好近长沙湾站, 非常就脚!6PM入到去, 都已经有唔少人食紧, 估唔到有咁多人同我一样咁钟意打边炉我地拣左一个椰子鸡汤底, 再加8款海鲜同6款配料依个汤底有2人份量既鸡件, 滚起就放鸡落汤, 煲一阵已经闻到好香既椰子味!鸡件好新鲜, 口感唔错, 食落仲有椰香味!海鲜方面有好多款, 我地拣左贝类既比较多! 当中最值得提既一定系鲍鱼同蚝!蚝虽然唔大只, 但就好新鲜, 食落唔会好「梅」,而且蚝味都几重, 真心推介鲍鱼就胜在够大只, 而且未落锅之前仲识得郁, 好生猛! 其他配料都系水准之上, 其中最好食既系美国肥牛! 肥牛虽然叫肥牛, 但就唔会好多肥膏, 岩晒我依D钟意食瘦既健康人士! 最重要系D肥牛虽然唔太肥, 但就保重住肥牛既香味同口感, 用黎打边炉真系一流!估唔到过左冻天, 都仲有机会打边炉, 而且质素仲要系A++, 价钱合理, 下次一定要再黎帮衬!