The Night Market (ELEMENTS圓方) (已結業)

可能个名叫night market，比人感觉间野好street food，但原来一D都唔street，而且菜式好特别，系非一般既台湾野！首先值得一提既系碗碗碟碟好别致，十分Instagram-worthy！我地叫既野食包括：三杯鸡饭，招牌牛肉面，鲁肉蛋面，新竹炒米粉 ，至于小食就叫左盐酥鸡同埋蛋饼。因为我地系分开叫，所以除左自己叫既米粉之外，其他净系试左一两啖，所以就唔多作评论了。不过每一碗既卖相都好好，朋友都话好好食！至于我碗米粉，份量唔算太大，不过加埋D小食都食得饱。米粉好幼细，系真既新竹，D料好足 ，蛋丝肉丝菜丝应有尽有，令成个米粉既口感好有层次。盐酥鸡好脆好香口，细细粒令人忍唔住愈食愈多。不过唯一不足既系蛋饼真心麻麻，有股好奇怪既椰子味，同个蛋格格不入，而且太油太酥，同平时食开既蛋饼好唔同，个人就唔太喜欢。不过整体黎讲呢间野真系好高质！虽然价钱比起平时食开既台湾菜贵好多，但味道同埋服务认真唔错！会再回来的！