A Tavola Bar & Grill (已結業)

平时好少黎将军澳呢头，今日一支公黎左呢间叫A Tavola Bar & Grill既西餐厅食野，好似主打意大利菜。餐牌有前菜，沙律，烤肉，海鲜，意粉，汉堡包，薄饼，儿童餐，甜品。海盐胡椒大虾配时令杂菜及特制柠檬牛油酱汁 $215 另加一今日想食海鲜，喺4款海鲜之中拣左呢款海盐胡椒大虾。一客三只大虾，烧得好香，肉质唔差，味道够味，伴另上嘅番茄烧汁味道就更浓。下底垫左少少味道调好嘅薯蓉，伴碟有两粒车厘茄同少少脆瓜。意大利咖啡蛋糕 $55 另加一意大利咖啡蛋糕一上枱都有啲惊喜，蛋糕好大个，卖相唔错，面头加左半粒士多啤梨又挤左朱古力同士多啤梨酱，再洒上糖霜点缀。蛋糕层次清析，两层lady fingers夹住香滑忌廉，上面一层薄薄嘅朱古力酱。食落非常湿润，带微微嘅咖啡味。我平时唔太好咖啡，都几钟意呢个Tiramisu。呢餐都唔错，我特别钟意个意大利咖啡蛋糕。气氛好鬼佬酒吧感觉，服务员态度都唔错。设有户外露天餐座，对住开扬靓楼景同马路，感觉好舒服。