海街丼 (北角匯二期)

营业中

休息中

有时公司放lunch，我会走到北角𠮶边食，贪𠮶边少人啲。其中喺北角汇嘅”海街丼”，算系平民又好食嘅日本丼饭餐厅。餐厅有唔少卡位，亦有唔少单丁位。所以就算系一个人或者约一班人嚟其实都会好enjoy，我特别钟意佢嘅冷气唔会校得好冻。另外餐厅面积唔大，啲自然光照晒成个餐厅，其实食得几舒服，影相都靓啲。鹿儿岛A4黑毛和牛丼 $155 - 百几蚊有和牛饭食？原本以为会系一般质素嘅和牛。原来咬落油脂感好丰富，调味充足，面积偏大，相当好食！我食第一啖已经觉得个饭好抵😅。酱汁吞拿鱼牛油果丼 $150 - 呢个丼，健康，丰富，调味充足。上面本来已经铺满芝麻，加上酱汁同另外提供嘅啫喱，味道上已经好足够，所以吞拿鱼同牛油果嘅角色喺度似系提供质感上嘅帮助多啲。整体亦都食得非常舒服。令外每个饭已经跟咗餐，有前菜、汤同茶等等。A quick lunch，都可以食得舒服又唔贵嘅。