J POT (已結業)

同朋友喺总统睇完戏，就行咗入去隔离街嘅呢间J pot烚下烚下，一入到餐厅个感觉好grand 同平时食开嘅火锅店好唔同，餐厅系以音乐做主题嘅，打边炉嘅炉系用一个鼓黎做装饰，梳化系用咗琴键嘅设计，仲有个大萤幕系播住周杰伦演唱会添，成件事好有feel~因为太肚饿嘅关系一嚟到就已经嗌咗碟小食！黄金鱼片头 - 够晒弹牙！ 加埋个秘制酱汁，酸酸地味道好夹好开胃~落完单之后，店员就拎咗个酱料架畀我哋混酱，重推介如果钟意食麻辣同海胆嘅话，可以加钱试下佢哋自家设计嘅酱汁 - 秘制麻辣酱油&海胆酱汁，两只酱都好特别好有特色，特别爱嘅系麻辣酱，因为好香，令到食物嘅味道劲加出！终于到主角出场 - 北海道毛蟹锅， 成只蟹放落去煲汤，想唔甜都难啦，而且店员仲话，佢哋嘅汤底同酱料都冇加味精，令我即刻好放心咁饮咗好多碗汤㖭😂※推介※ A5 日本和牛拼盘 - 一次过试晒咁多个部位，真心正！店员教我哋由油脂少嘅开始食起，咁样先可以食到个层次，牛味香浓，肉质嫩滑，而且入口即溶，真系会令人食到心心眼😍虾滑+蟹滑一咬就食到有胶质口感， 虾滑大家平时就食得多， 蟹滑大家应该比较少食， 店员仲会帮手同我地落锅， 岩哂我呢种懒人。