牛陣 (已結業)

一直以为日本人会把最靓、最正的东西留给自已用，只会把次一级的东西作外销。既然牛阵咁厉害，拎到最顶级既和牛，仲要系任食，咁就点都要试一试。去到有好多个唔同既价钱，但主要都系分别在于牛肉的质素，一心黎试A5既，就要个和牛日式汤底。汤底就真系得个汤，配料要自已去拎，配料唔算多，得三两款菜、粉丝、乌冬、冬菇、豆腐等等。个汤底真系太甜；牛肉既色泽同雪花分布都OK，但系就真系唔知点解无乜牛肉味，而且肉质唔够滑，坦白讲，我在日本试过一块A3都比佢有肉味同滑得多。不过佢地既服务都几好，我地叫左大概6个round和牛，佢地每一次都好快就送黎，无话拖慢浪费时间，而且好有礼貌，亦会主动加水加汤。但卫生就真系要搞搞佢，食到尾声时，竟然俾我发现有只小强系度四围行黎行去。