影片
更多
2018-03-16
3126 浏览
新加坡啲Kopitiam 做到有声有色，其实我哋香港啲熟食市场都唔差吖，乜都有得食！好似自从N年前，皇后街熟食开咗ABC Kitchen 之后，我哋就可以自傲地讲句：「喂，我哋香港熟食连锯扒都有㖞！」朋友欢聚话明食好西，梗系要开支酒先似样。睇睇个wine list，都几多选择，取价亦十分公道。如此随意舒服嘅环境，叫支prosecco 大家开心吓最啱！嚟得熟食市场食西餐，就系想唔依法办事。用面包篮配汽酒又有何不可？更何况呢个面包，外面香里面软，仲带啲香草味，配乜都好啦！配什菜都仲得！既然唔拘泥食乜course，叫啲main嚟开心些牙最好。先嚟西班牙烧乳猪配皱叶甘蓝及薯蓉。乳猪皮脆肉嫩，底下嘅腌菜以为会好似sauerkraut 咁酸酸哋，咦？但原来系甜甜哋梅菜咁嘅味，几得意。跟住嚟有安格斯西冷配焗蒜苗、长薯及法边豆。牛肉叫咗五成熟，但出嚟似三成，肉质比较韧。反而长薯够香，法边又豆够嫩，蒜苗亦够香甜，「妹仔完胜主人婆」添！（噢，挂住食「妹仔」，唔记得影相！）再嚟焗羊肩配露笋苗、薯丝饼及沙沙酱。个状况同牛扒有啲似，羊肉出到嚟都系比想像中生，讲真羊肉系要熟少少先可以造出最佳口感，太生反而变咗食到
朋友欢聚话明食好西，梗系要开支酒先似样。睇睇个wine list，都几多选择，取价亦十分公道。如此随意舒服嘅环境，叫支prosecco 大家开心吓最啱！
嚟得熟食市场食西餐，就系想唔依法办事。用面包篮配汽酒又有何不可？更何况呢个面包，外面香里面软，仲带啲香草味，配乜都好啦！配什菜都仲得！
84 浏览
0 赞好
0 留言
什菜沙律
79 浏览
0 赞好
0 留言
既然唔拘泥食乜course，叫啲main嚟开心些牙最好。先嚟西班牙烧乳猪配皱叶甘蓝及薯蓉。乳猪皮脆肉嫩，底下嘅腌菜以为会好似sauerkraut 咁酸酸哋，咦？但原来系甜甜哋梅菜咁嘅味，几得意。
西班牙烧乳猪配皱叶甘蓝及薯蓉
101 浏览
0 赞好
0 留言
跟住嚟有安格斯西冷配焗蒜苗、长薯及法边豆。牛肉叫咗五成熟，但出嚟似三成，肉质比较韧。反而长薯够香，法边又豆够嫩，蒜苗亦够香甜，「妹仔完胜主人婆」添！（噢，挂住食「妹仔」，唔记得影相！）
再嚟焗羊肩配露笋苗、薯丝饼及沙沙酱。个状况同牛扒有啲似，羊肉出到嚟都系比想像中生，讲真羊肉系要熟少少先可以造出最佳口感，太生反而变咗食到成口渣，可惜！但个酱味道清新，薯丝饼亦足料好味。
羊肩配露笋苗薯丝饼及沙沙酱
79 浏览
0 赞好
0 留言
甜品要咗Pavlova同Apple Strudel。其实喺香港食到Pavlova都几感恩，所以有呢样甜品喺menu上面已经抵赞。至于Apple Strudel个皮有啲唔够松，同埋苹果酱少咗啲。
巴伐洛娃蛋白饼
143 浏览
1 赞好
0 留言
总括嚟讲，咁多年嚟ABC Kitchen嘅水准都好平稳，可以喺熟食市场揾到咁多元化嘅西餐menu，仲有风趣得嚟又友善嘅侍应哥哥，系香港先有！
张贴
