影片
更多
2003-12-07
22 浏览
睇过火柴妹小姐o既食评, 又知道佢近排上过报纸杂志, 所以o系好奇心驱使下, 寻晚o黎o左呢度试菜.呢间餐厅望佢地下门面以为好up dub, 其实佢o系地库, 装修得都几华丽, 接近亚士厘道"爵乐" o既豪华风格. 黄昏六点几o黎到无乜客, 无印籍乐师表演乡里音乐, 又见唔到o个位好多o野讲o既本地侍应(招呼我o既系两位尼泊尔籍女侍应), 环境相当清静, 坐得好舒服.见呢度卖o既系传统北印度菜, 于是就叫o左我一向用o黎测试北印度餐馆o既标准菜式- 巴辣鸡, 芝士大力菜, 同青豆黄饭.同好多印式?馆一样, 呢度上菜之前都有免费o既炸薄脆(papadum)食, 而且仲系两大块添! 薄脆炸得几松脆又唔油, 唔错. 用o黎拌薄脆o既有'三小兜' - 薄荷酱(mint sauce), 印式泡菜(Indian pickle), 同泡洋葱头(pickled onion). 三样都整得好好味, 薄荷酱够浓滑, 印式泡菜好醒胃, 而泡洋葱头就意外地唔酸(我o系九龙城"正宗" 食到o既泡洋葱头酸到七彩! >_<), 保留番少少生洋葱味. 唔! 连细眉细眼o野都造得好, 我谂主菜都应该掂喇
呢间餐厅望佢地下门面以为好up dub, 其实佢o系地库, 装修得都几华丽, 接近亚士厘道"爵乐" o既豪华风格. 黄昏六点几o黎到无乜客, 无印籍乐师表演乡里音乐, 又见唔到o个位好多o野讲o既本地侍应(招呼我o既系两位尼泊尔籍女侍应), 环境相当清静, 坐得好舒服.
见呢度卖o既系传统北印度菜, 于是就叫o左我一向用o黎测试北印度餐馆o既标准菜式- 巴辣鸡, 芝士大力菜, 同青豆黄饭.
同好多印式?馆一样, 呢度上菜之前都有免费o既炸薄脆(papadum)食, 而且仲系两大块添! 薄脆炸得几松脆又唔油, 唔错. 用o黎拌薄脆o既有'三小兜' - 薄荷酱(mint sauce), 印式泡菜(Indian pickle), 同泡洋葱头(pickled onion). 三样都整得好好味, 薄荷酱够浓滑, 印式泡菜好醒胃, 而泡洋葱头就意外地唔酸(我o系九龙城"正宗" 食到o既泡洋葱头酸到七彩! >_<), 保留番少少生洋葱味. 唔! 连细眉细眼o野都造得好, 我谂主菜都应该掂喇挂...
巴辣鸡(Murgh Vindaloo; $68) - 味道同口感都拍得住乐道o既"Afgan Canteen" 同重庆大厦o既"咖喱王(Khyber Pass)", 大辣得o黎食到vindaloo 应有o既醋酸味, 系水准之作, 但鸡件o既份量就唔够Afgan o既巴辣鸡咁充足, 而且仲要比Afgan 同咖喱王贵成十几二十蚊, 好食得o黎唔系好抵.
芝士大力菜(Saag Paneer; $58) - 同Afgan o既一样, 免治菠菜蓉好浓郁, 又有好多粒印式芝士, 但芝士就冇Afgan o既咁大粒, 同埋冇Afgan 芝士o既独有甜味. 佢o既水准以印式?馆o黎讲系好好, 但始终唔及Afgan o既芝士大力菜咁好味.
青豆黄饭(Mutter Pullao; $38) - 黄饭炒得比Afgan o既较为湿身, 我唔太钟意, 但饭o既份量就好大, 足够两个人食. 如果38蚊都唔够一个人食o既话就真系抵打喇!
服务方面好周到, 尼籍女侍应时不时主动帮我斟水, 又问我o的o野好唔好食; 埋单时又有免费o既印式糖果(薄荷糖+ 茴香籽+ 印式香料) 湿o下口. 服务啰满分!
埋单就襟计啰, 180蚊连加一, 睇怕唔少系去o左装修同情调o个度, 我觉得唔抵. -_-
平心而论, 如果以菜式o既水准同味道o黎讲, "Afgan Canteen", "爵乐", "咖喱王(Khyber Pass)" 同埋呢间"Surya" 可以话系尖沙咀最好食o既四间(北)印度餐厅. 讲高级, 非"爵乐" 莫属; 讲质素同份量, 价钱公道同好服务, "Afgan Canteen" 就样样都做得到; 讲平同大众化(地茂), 莫过于"咖喱王". 而"Surya" 就介乎"Afgan" 同"爵乐" 之间, 味道只系仅次于"Afgan", 但价钱就拍得住"爵乐". 四间之中, "Afgan Canteen" 始终都系我o既首选.
P.S. To OpenRice Editor: please update the information related to 'Surya Restaurant':
Name (Eng): Surya Restaurant
Address: 尖沙咀么地道34-48号丽东大厦地库(近漆咸道南)
营业时间: 每日中午12时至下午3时; 晚上6时至11时30分
Tel: 2366-9902 / 2311-5961
菜式: 印度菜
消费: 丰(每人$101-$150)
Thank you!
张贴