影片
更多
2015-12-15
388 浏览
虾片姐姐推介金源烧肉好好味，我早前都有试过，质数参差、时好时坏，今日比多次机会您。烧肉油鸡髀饭，斩晒烧肉既头头尾尾比我，又咸又干又硬啰，搞错呀！师傅您好憎我咩？油鸡髀质数就够稳定喇，好少话差得去边。豉油味清香，浓度点到即止刚刚好，皮香肉嫩。啜啜啜，鸡肉藏著大量甜美肉汁，好味啊！乳猪切鸡髀饭，记得从未试过金源既乳猪，今次就 all in 搏返铺啦，暂时都未食过一间满意既！𪠳，乳猪肥腾腾既，得肥膏又无肉，皮又唔松脆！一咬即碎既碎皮，一面厚厚厚肥膏再黏住薄薄偏咸瘦肉，要点大量乳猪甜酱中和一下。嘥气，早之食烧肉好过啦，衰好奇啰。切鸡髀就够晒稳阵，鸡肉清甜又嫩滑多汁，发光一般！捞上葱油卷满白饭，天上的美味！合掌瓜烧猪骨汤，食烧味饭当然要配碗热辣辣中汤啦！好好饮呢！极浓肉味隐藏著合掌瓜清爽味道，温度刚刚烫咀就最好味，转眼清晒，正！最喜欢金源例汤每次温度都热烫烫，汤唔热边会好饮，都唔明有时去茶餐厅既汤只系暖暖地啰！怕倒泻会渌亲食客？唔热饮可以得快啲？早啲熄火悭石油气？
烧肉油鸡髀饭，斩晒烧肉既头头尾尾比我，又咸又干又硬啰，搞错呀！师傅您好憎我咩？油鸡髀质数就够稳定喇，好少话差得去边。豉油味清香，浓度点到即止刚刚好，皮香肉嫩。啜啜啜，鸡肉藏著大量甜美肉汁，好味啊！
乳猪切鸡髀饭，记得从未试过金源既乳猪，今次就 all in 搏返铺啦，暂时都未食过一间满意既！𪠳，乳猪肥腾腾既，得肥膏又无肉，皮又唔松脆！一咬即碎既碎皮，一面厚厚厚肥膏再黏住薄薄偏咸瘦肉，要点大量乳猪甜酱中和一下。
嘥气，早之食烧肉好过啦，衰好奇啰。切鸡髀就够晒稳阵，鸡肉清甜又嫩滑多汁，发光一般！捞上葱油卷满白饭，天上的美味！
合掌瓜烧猪骨汤，食烧味饭当然要配碗热辣辣中汤啦！好好饮呢！极浓肉味隐藏著合掌瓜清爽味道，温度刚刚烫咀就最好味，转眼清晒，正！
最喜欢金源例汤每次温度都热烫烫，汤唔热边会好饮，都唔明有时去茶餐厅既汤只系暖暖地啰！怕倒泻会渌亲食客？唔热饮可以得快啲？早啲熄火悭石油气？
合掌瓜烧猪骨汤
17 浏览
0 赞好
0 留言
合掌瓜烧猪骨汤
14 浏览
0 赞好
0 留言
乳猪切鸡髀饭
72 浏览
0 赞好
0 留言
烧肉油鸡髀饭
24 浏览
0 赞好
0 留言
张贴
