18巷泰國餐廳 (已結業)

好惊！真系好惊！朋友话带我去食泰国珍品，我以为系山珍海味咁正点啦，点知佢带我去食蚂．蚁．蛋！oh my god我坐低果下真系好想起返身走～算啦人一世物一世，佢地讲到呢d火蚁蛋由泰国直送过黎，又含丰富蛋白质咁，好啦我都系乖乖咁坐定继续等上菜。第一道就黎个蚂蚁香叶包，也就是蚁蛋沙律…我一啖放晒入口，但由于有腰果同甜酸酱的关系唔系好食到蚁蛋的口感，但件事系好食既，我知道了原来沙律加腰果原来系极品～第二道菜黎个咖哩牛尾，个蒜蓉包真心点咖哩好好味！不过牛尾如果再稔小小会更好。泰国菜都有炖花胶，仲加左蟹肉入去炖，好浓郁好正！再来两道蚁蛋煎蛋同蚂蚁蛋冬荫功泡饭…我真系过唔到自己果关，轻尝了一下，其宾蚁蛋系冇咩味既，小小弹牙，又冇咩野既只系我个心理关口…不过唔好谂佢有蚁蛋系入面既话，呢2道菜味道系非常好既。炒蟹极级好味！只蟹好大好新鲜，也是今晚我的亮点呀～可能朋友知我怕食蚁蛋，所以叫左我最爱的酸甜鱼，食左好多旧好满足！最后以榴莲糯米饭作结，椰汁的甜度圆满了我，也代表我从蚁蛋世界出道了。