Amazing

营业中

休息中

泰式豆酱香蒜炒通菜 HKD98食亲泰国餐厅，我都一定会叫返碟炒通菜，贪佢爽脆又惹味～不过呢道通菜就有啲唔同，因为佢主要系用泰式豆酱，而唔系马拉盏(虾酱)。虽然豆酱炒食落一样咁惹味，但味道就好明显无咁香浓，同埋无咗虾酱𠮶阵独特嘅鲜味，硬系觉得好似少咗啲野咁，所以我都系比较钟意马拉盏炒多啲～大头虾冬阴功 HKD138呢煲足料冬阴功好丰富，一望落就已经见到满满嘅汤料：大头虾、蕃茄、香菇、各式香料⋯饮落酸酸辣辣，又带少少甜味，将我沉睡咗一日嘅味蕾完全唤醒，就算平时怕辣嘅我都对佢欲拒还迎，因为真系好开胃好惹味～大头虾睇落大大只好多肉咁，心谂应该几正，但点知肉质咬落又梅又老又烂，一就系本身唔新鲜，二就系煲得太耐，总之都系饮汤算数～芭堤雅香草烧全鸡 HKD178呢只烧全鸡用嘅系春鸡仔，一般都比较细只，所以唔会话好多肉，就算两个人都可以轻松食哂，唔会饱。味道嚟讲，都几入味，特别系我最爱嘅鸡皮，烧到又香又脆，就算唔点泰式辣酱食都已经好惹味～不过佢嘅肉质就普通咗啲，得鸡脾位叫做嫩滑，鸡胸位嘅肉都偏干同嚡⋯无预期中咁好食。