茶狼 (已結業)

一直以为APM有好多饮品店，但专登揾先发现其实唔多，而且可以歇脚嘅只得一间，就系位于地铁层、接驳裕民坊天桥路口位置嘅「茶狼🐺」。本身谂住帮衬佢系因为有得坐，而且我想用订座App喺佢度订座嚟赚优惠卷😂。订座App订枱(下午3点半)有85折优惠，但店员好固执咁话要够钟先用得㖞，OK咁我坐低凉住凉气等啰...。点知我等到够钟去买，先知我想买𠮶杯嘢饮就咁买仲平过用App折完个价😅😅😅，即系白等一场，哈哈。好彩店员无嫌我玩嘢，亦肯同我比较下点样平啲。冻京都抹茶仙草白露茉莉茶🍵(赏味价$22)，原来呢杯做紧特价先卖$22，原价要$28。另外，茶狼嘅策略几好，俾$4加大至700ml，基本上大部份人都会落搭😏。呢杯茶最面头有层薄薄嘅奶盖，睇个名唔觉杯茶有落奶🥛，但饮落有啲似抹茶牛奶再沟茉莉茶。不过我要咗半糖(50%)就真系唔多够甜...，捞匀咗个底后变得好淡；意外地仙草同杯嘢饮几夹！海盐芝士奶盖泡芙(原价$18)，嗌嘢饮就可以以优惠价$12加配。泡芙个样整色整水😒，整枝「针筒」插落个泡芙中间，其实又无谓又无美感。撕开个泡芙一半后发现入面半空心嘅...，得劲少芝士奶盖，注射多五支「针筒」都塞唔满个馅啦。