點茶館

营业中

休息中

同朋友去APM行街，之后就上咗美食广场𠮶度休息。突然间好想食一啲中式点心，于是就拣咗呢间餐厅。餐牌有单点嘅荷叶蒸饭，传统嘅凤爪排骨饭之外，仲有其他唔同嘅惊喜选择。今次见到北海道温泉蛋马蹄牛肉饭、豉汁白鳝饭、樱花虾虾膏腩片饭、五目素饭，仲有仲有虫草花云耳鸡件饭。仲有用蒸笼嘅中式点心，分大中小特点。除咗散叫之外仲有套餐，荷叶蒸饭＋点心＋精选茗茶，先至$68。荷叶蒸饭同埋点心都可以五选一，有得拣几开心。我哋就叫咗两个套餐，除咗传统凤爪排骨饭之外，当然少不了牛肉啦，因为我钟意食牛肉。我哋就叫咗北海道温泉蛋马蹄牛肉饭。点心就一笼凤爪、另一笼烧卖。额外再叫咗个点心拼盘。食物质素同一般酒楼差唔多，烧卖大大粒好好食、凤爪整得几好多汁，味道好好。 荷叶蒸饭食得出有荷叶味道，蒸饭嘅份量好足料，钟意𠮶个牛肉饭上面嘅温泉蛋，食落有一种日系fusion中式菜嘅感觉。马蹄牛肉大大份抵食。点心拼盘方面，欣赏佢个云吞整得脆脆，入边真系有新鲜虾，整体味道OK好食。如果唔够时间饮茶，但系又想食中式嘅蒸饭同埋点心嚟呢度就啱啦！因为抵食又唔会等太耐。悭时间嘅选择。