Made in HK Restaurant (已結業)

今日同老公去完APM超市Shopping， 顺便喺度食埋晚餐。经过呢间餐厅见到靓靓装修，又唔使排队，所以入咗去。我哋两个分别点左个黑椒精选杂扒餐同埋白酒煮蚬。杂扒餐有肉眼扒、猪扒、鸡扒、德国肠、薯仔同配菜。我哋叫咗5成熟嘅肉眼扒，食落有少少肉味，肉质稔但有少少'根'，而猪扒、鸡扒同德国肠食落去都冇咩特别，属正常。由于肉类属于'溜'嘅一种，所以我哋都食晒所有配菜嚟中和'溜'嘅感觉。跟餐仲有一个田园沙律同一杯嘢饮。沙律新鲜但份量较少，而饮品就叫左杯热柠水。不得不提，佢𠮶把刀系切唔到肉既，切到我只手指都酸软。白酒煮蚬嘅感觉好港式，蚬肉较细但稔，成碟野会食到好多洋葱粒同蒜头粒，感觉麻麻地。由于APM坐得舒服嘅餐厅唔算多，所以唔介意食物质素普通，依间餐厅都系一个好选择。