Made in HK Restaurant (已結業)

今日陪朋友嚟APM Apple Store拎iPhone ，顺便食个下午茶，行过见到呢间餐厅装修得几靓，又好阔落，就坐低试吓。沙嗲牛肉面：牛肉系肥牛，份量都几多。沙嗲味道出色，个汤都有。唯独系啲面腍左少少，唔知系咪我挂住影相😂菠萝包+炒蛋：菠萝包表面层脆皮稍为薄咗啲，厚身啲会更加好食。炒蛋就正正常常。流心吉列奶黄西多：炸得好脆，就好似吉列猪扒咁。入面个流心做得好好，一切就流晒出嚟。建议同朋友分享，因为实在太邪恶😈见到餐厅入面好多台客人都点一个三层下午茶set，下次再食都想试吓。