Made in HK Restaurant (已結業)

之前食过一次Made in HK，就系朗豪坊分店开张优惠，果时主菜半价非常抵，而且味道都唔错。所以趁呢几日有假期，带埋外父外母黎锯个靓扒，迎接新嘅一年。由于外父外母住九龙东，所以今次拣左APM呢间分店，地铁站一出转右上扶手梯就到，非常方便。地方够大，台与台有足够空间，唔会同隔离台太近，感觉舒服。晚餐都有几多选择，钟意锯扒可以拣各款唔同扒类，仲有海鲜饭、咖哩鸡饭、是日鲜鱼等，各式各样都有，适合唔同口味嘅人。我地拣左4款晚餐，先黎餐汤餐包。是日餐汤系蘑菇汤，蘑菇味够浓。餐包同汤都够热，喺呢个天气啱晒。香浓蕃茄及芝士汁铺满整个饭面，牛舌够厚又有咬口，加上用铁获盛载，可以KEEP住饭个温度，整体相当唔错。肉眼扒肉味香浓，大虾上碟已经开边可以方便进食。另外薯条分开上唔会比扒汁浸腍，值得一赞。羊架份量比平日都大件，而且有3件咁多，加上肉质鲜嫰，食得津津有味。肉眼扒份量十足，咬落啖啖肉，而且肉汁够多够浓。另外，用铁板上嘅肉眼扒喺添上黑淑汁时果种「咋咋」声，系你用碟上嘅时候体会唔到架。所以，食牛扒我始终都坚持食用铁板上嘅。