灑家粥麵 (已結業)

星期三夜晚9时的"吉野家"都系人山人海，鬼咩，有火锅这个食糊之作，客人闲闲地坐你1粒钟！Bill Tai Tai一行三人好想食个快饭，于是转阵去左"洒家"。知道佢开左一排，但从来都未食过，9点钟唔使排队等位，长驱直入。好肚饿，想食煲仔饭，但要等15-20分钟，先点左个虫草花鸡煲仔饭再算！第1次食虫草花，好似金针咁，但系幼些，都几特别，个鸡几滑，整体来说味道不错的。蟹子棉花鸡好味，但蟹子少得可怜啦…奶皇千层糕，即叫即蒸，热腾腾，如果可以松软一点就更好。干烧伊面 ，好有水准，唔会太dry，推介肉丸猪润粥，平平，ok 啦。