燒蝦蝦 (金福閣） (已結業)

元朗既烧虾虾，位置唔太难揾，系元朗大马路附近，餐厅装修风格几特别，走东南亚风，有几分觉得自己身处泰国。 餐厅叫得烧虾虾，当然有唔少虾虾烧。职员会先俾个冰桶你，你可先去攞冰，然后大家最期待既moment黎啦，就系系一个个长水缸入面捉虾，出于人道考虑，先将生虾放入冰桶冻晕，先进行烧虾。同埋一直有员工keep 住加虾，唔怕会被人攞哂，呢度d虾都几大只，超过一个手掌长。虾亦不难烧熟。 喜出望外既系呢度有非常多海鲜任攞。扇贝新鲜大只易烧，非常推荐！鲍鱼亦是必烧既选择，呢度供应不少，不断refill,都对得住价钱。而有耐性既朋友可试花甲蚬仔，都是不错选择。仲可以原条鱼烧。仲有各类扒任食，推荐厚鸭胸，而蔬菜菇菌类都唔少得。烧虾虾呢度仲可以任饮asahi 生啤，真系无得顶。生啤配呢度既小食一流，建议大家可试试呢个鱼皮冻盘，鱼皮非常爽弹，好奇妙既口感。 最后当然仲有不少甜品选择，而我就食左个豆腐花。