Avenue75

营业中

休息中

今晚收工去左一间位于尖沙咀既酒吧餐厅chill一chill，叫Avenue75。装修以海蓝色为主调，灯光昏暗，音乐轻松。星期三晚Happy Hours都好多人。餐牌主要系小食，有串烧，都有主菜，意大利粉同炒饭。第一次黎，叫左一个主菜同一份Asian tapas试试。炭烧墨鱼柳 $95 另加一上枱已经闻到好香，炭烧墨鱼柳一客两大块切片，方便食用。墨鱼柳烧得少少㶶，食落又弹牙，好味。另上酸辣汁，有少少辣，点左汁食更开胃，伴有少少青瓜同车厘茄。呢个价钱有呢个份量唔贵呀。烧原条牛肋骨，菠萝青瓜沙律 $268 另加一烧原条牛肋骨真系有条骨比你，起哂d牛肋肉，唔洗切。牛肋肉整得好够腍，又重牛味，而肉汁丰富，加埋上面既烧肉汁非常好食。另上泰式酸辣汁，点左食都好味。沙律除咗腌酸既青瓜同菠萝之外，仲有少少沙律菜同车厘茄。今餐食物唔错，估唔到呢间酒吧餐厅既水准都咁高。