影片
更多
2010-10-14
62 浏览
师傅同好友食家"乜都放入窿"食完泰菜后, 真系未算好饱, 于是决定转战食甜品; 而正正隔离就系佳记甜品, 即系人人成日都讲去开元朗一定要食B仔凉粉, 而B仔凉粉正正系讲紧佳记甜品! 未同好友食家"乜都放入窿"黎之前, 其实师傅已经喺早几天试过呢度嘅小食一次, 而当日嘅小食真令师傅十分之惊喜, 当日有柯打到肠粉, 咖哩鱼蛋, 猪皮同卤水鸡中翼, 当中已肠粉最令师傅欣赏; 当师傅同好友食家"乜都放入窿"未系好饱之际, 当然要推介呢间食店嘅肠粉, 于是就柯打左十蚊肠粉!十蚊肠粉有几多? 讲真唔系好多, 咪系八条咁多啰; 师傅同好友食家"乜都放入窿"都十分钟意食辣, 所以十蚊肠粉配上混酱; 当肠粉放埋枱上时, 份量真的不少, 而且系十分之香, 浓浓嘅猪油味令到肠粉格外吸引, 讲真今时今日唔系好多地方肯用猪油架, 虽然唔健康, 但偶尔一次半次确实过瘾, 加上肠粉十分之滑, 真系食到停唔到口呀, 肠粉绝对系必食推介! 咖哩鱼蛋嘅鱼蛋都几细粒, 入口唔爽口唔弹牙, 鱼蛋水准绝对唔掂, 可幸是咖啡汁够香够辣, 汁底十分惹味, 令到鱼蛋不至咁差; 至于猪皮就一般啦, 半腍半爽, 唔见得几特别, 一般啦;
未同好友食家"乜都放入窿"黎之前, 其实师傅已经喺早几天试过呢度嘅小食一次, 而当日嘅小食真令师傅十分之惊喜, 当日有柯打到肠粉, 咖哩鱼蛋, 猪皮同卤水鸡中翼, 当中已肠粉最令师傅欣赏; 当师傅同好友食家"乜都放入窿"未系好饱之际, 当然要推介呢间食店嘅肠粉, 于是就柯打左十蚊肠粉!
十蚊肠粉有几多? 讲真唔系好多, 咪系八条咁多啰; 师傅同好友食家"乜都放入窿"都十分钟意食辣, 所以十蚊肠粉配上混酱; 当肠粉放埋枱上时, 份量真的不少, 而且系十分之香, 浓浓嘅猪油味令到肠粉格外吸引, 讲真今时今日唔系好多地方肯用猪油架, 虽然唔健康, 但偶尔一次半次确实过瘾, 加上肠粉十分之滑, 真系食到停唔到口呀, 肠粉绝对系必食推介!
咖哩鱼蛋嘅鱼蛋都几细粒, 入口唔爽口唔弹牙, 鱼蛋水准绝对唔掂, 可幸是咖啡汁够香够辣, 汁底十分惹味, 令到鱼蛋不至咁差; 至于猪皮就一般啦, 半腍半爽, 唔见得几特别, 一般啦; 反而卤水鸡中翼就劲正, 鸡中翼非常入味, 但绝不过火, 加上肉质又松又滑, 十蚊四只真系好鬼抵食呀!
当师傅同好友食家"乜都放入窿"食完肠粉后, 大家已经饱到不堪, 直头可以讲顶到上喉咙, 但既然一场黎到, 冇理由唔食埋甜品先走, 于是商量下食咩好, 又要好味又要份量唔太多, 所以师傅谂左一阵就决定要西瓜西米捞, 而好友食家"乜都放入窿"就柯打左一杯红豆冰!
话都冇咁快两款甜品都同时登场, 师傅当然唔客气啦, 西瓜西米捞个卖相比师傅个感觉系好得意, 第一系有枝饮管, 第二系好似沙冰咁; 于是师傅第一啖先试沙冰, 发现沙冰真系几有心思, 因为沙冰应该系将西瓜磨成蓉, 再放入雪柜雪冰佢, 所以西瓜味甚香, 而且份外清凉, 正呀; 再饮一啖又好得意, 因为一粒粒西米系可以经饮管吸上黎, 感觉特别, 几有心思! 至于好友食家"乜都放入窿"嘅红豆冰师傅就冇试到, 不过相信都应该唔错, 皆决好友食家"乜都放入窿"都饮得几快!
总括黎讲食物水准都算不俗, 环境舒服, 服务态度亦可, 价钱唔算贵, 不过实际几钱师傅就唔记得, 因为是之系好友食家"乜都放入窿"找数! 第一次黎B仔凉粉, 食左肠粉同甜品, 就系冇食到凉粉, 不过好肯定系仲会有下次, 笑脸绝对值得一比!
后记: 师傅同好友食家"乜都放入窿"食饱后系不能搭车, 唯有围住附近不停打圈, 直到稍为消化才搭车松人!
张贴
