三台八座 (已結業)

呢间餐厅仔位于HKU 向西营盘方落山中间位置左右，由山上行落去或者电车路上去都唔算远。面积不大，系间的式o既小店，门口仲幢o左个好可爱o既纸板公仔。有2 个午餐menu，一个西一个日韩，50 零60 几蚊啦，ok 平民级。我同朋友各自叫一个set，再叫d 小食咁。我order o左「纽西兰肉眼扒配巴黎汁」($72)，几大块同厚切，泛起油光，十分吸引。肉味比较原始一d ，配搭埋个浆汁就o岩o岩好。巴黎汁都系d 比较少见o既o野，一般餐厅/扒房来来去去只有黑椒洋葱蒜蓉，值得一试。个餐跟意粉(可饭or 薯菜)，仍然幼身爽口，最唔钟意d 餐厅煮到发晒大……小食首先想讲「炭烤鸡腿肉串」($26)，真系好好食，佢本身已经搽o左一层烧烤浆o个类，十分惹味，就咁食已相当唔错，另外仲附上另一只浆可蘸，酸酸甜甜好开胃。「日本南瓜薯饼」($26) 由南瓜蓉同薯蓉mix 埋再拎去炸，外脆内软；加埋「香脆鱿鱼圈」($26)，两款都金香松脆好香口，建议一o黎就快少少食，唔好摆咁耐喇。餐厅无加一的，同埋老板几好人，向我地介绍边只好食d，服务周到。