影片
更多
2008-09-18
今日我哋去食放题, 8:45p.m. 推门入去, 有位小姐带我哋坐低, 环境都ok, 入坐率得四成, 之后就有位小姐问我哋饮乜, 我哋叫咗2罐汽水, 饮品系任饮嘅, 之后我哋就开始叫嘢食喇......首先第1 round我哋叫咗sushi, sashimi, 烧物同其他食物, 等咗一阵, 长脚蟹沙拉就嚟喇, 味道都ok, 跟住其他熟食都好快上枱, 但系等咗好耐, sushi, sashimi同其他食物都未嚟, 于是我哋入第2 round纸, 第2 round嘅牛油炒杂菇, 银芽炒带子同铁板牛肉粒等都嚟咗, 呢几样食物味道都唔错, 但第1 round嘅食物都未到齐, 于是我哋就追单, 而佢哋就讲整紧㖞, 再等等.... 算喇! 又过咗一阵, sushi, sashimi终于嚟喇! 哗! 都唔知应该系好定唔好, sashimi件件都又肥又厚切, 味道ok, 每人都有1件, 但系吓到好惊, 唔想再叫, 因为sashimi太肥厚, 接近尾指咁厚, 好似迫你食到好腻, 搏你唔再叫下一round咁, 不过甜虾值得一试..... 到咗最后, 我哋叫咗个霜降牛肉锅同6只甜虾sashimi, 哗! 咁w
环境都ok, 入坐率得四成, 之后就有位小姐问我哋饮乜,
我哋叫咗2罐汽水, 饮品系任饮嘅, 之后我哋就开始叫嘢食喇......
首先第1 round我哋叫咗sushi, sashimi, 烧物同其他食物,
等咗一阵, 长脚蟹沙拉就嚟喇, 味道都ok, 跟住其他熟食都好快上枱,
但系等咗好耐, sushi, sashimi同其他食物都未嚟, 于是我哋入第2 round纸,
第2 round嘅牛油炒杂菇, 银芽炒带子同铁板牛肉粒等都嚟咗,
呢几样食物味道都唔错, 但第1 round嘅食物都未到齐, 于是我哋就追单,
而佢哋就讲整紧㖞, 再等等.... 算喇! 又过咗一阵, sushi, sashimi终于嚟喇!
哗! 都唔知应该系好定唔好, sashimi件件都又肥又厚切, 味道ok,
每人都有1件, 但系吓到好惊, 唔想再叫, 因为sashimi太肥厚,
接近尾指咁厚, 好似迫你食到好腻, 搏你唔再叫下一round咁,
不过甜虾值得一试.....
到咗最后, 我哋叫咗个霜降牛肉锅同6只甜虾sashimi, 哗! 咁wher!
只得4块牛肉碎, 多多洋葱, 老嘅黄芽白同少少粉丝及几件豆腐,
写到明系3~4人份量, 我哋都预咗2个人份量会唔多, 百几蚊都唔要求好高,
之不过都唔好系只得4块牛肉碎, 霜降牛肉㖞! 你唔系霜降牛肉都唔紧要,
但系唔好咁写啰! 牛肉原来系配菜, 咁不如叫杂菜肉碎锅, 咁会好d....
(其实到差不多食完嘢, d烧物都仲未到, 我哋唯有追单, 点知佢地先话无入单)
唉... 算把啦...
总括嚟讲, 此料理店味道尚算不错, 不过手法上需要改善一下,
服务态度参差, 个别侍应无心serve客人, 如果下次路过而又谂唔到食乜,
都会考虑一下再嚟! 但要我哋刻意再嚟就唔会喇喇!
张贴