東海酒家 (已結業)

今晚同朋友去左The One东海度食晚饭! 真系食到火火火呀! 首先，我系星期二已经预订左晚上七点半嘅台，我准时七点半去到，个知客姐姐mark左名然后就叫我等! 我唔知系无台定点，等左十分钟，又问吓个姐姐系点，佢定系叫我等，无话我知几时有台，再等十分钟，又问，又等，其实点解预订左台都要等咁耐? 问个姐姐，佢唔理我，话"系也，等"，最后成八点先有台，个姐姐态度差，好似问系我地嘅错! 坐底左大闸蟹套餐，个汤好快就到！之后啲蟹粉小笼包，蟹粉蒜容包即刻到，好似快餐，要即刻还枱咁，未食完个汤已经来大闸蟹! 不过有得食好个无得食，食完只蟹就等左成个钟都无嘢食! 我地坐左成个钟，追左好多次，啲侍应唔系当睇唔到，就系话追左，但系啲食物系无来到! 其间侍应倒泻可乐，话比翻个可乐我地，点知又消失得无影无踪！茶无水，要求冲水，最后都系无人理，自己倒! 最劲系无啦啦啲菜同乌冬未上就上糖水! 最后我地受唔住，叫左个侍应去叫经理嚟，佢竟然话经理都好惨，好受靶，叫我唔好揾经理!!!! 个经理出到嚟，同佢讲佢咩都系哦哦哦，无任何解决方法，又系态度差! 我觉得今时今日系唔可以咁嘅 customer service.