影片
更多
2022-07-23
2547 浏览
以前细个就会成日话俾人知自己生日，人大了相反其实每年好少食生日饭，人大咗，其实都冇乜嘢想庆祝，有人话，其实你好似好少食生日饭，我话系呀因为我觉得冇乜值得庆祝。 不过每年七月，都总会有朋友话食吓饭啦，因为疫情嘅情况，朋友见得就要见，有时都唔知仲有冇下次，想多谢同我食饭嘅朋友，都写下记录下。 今晚选择左bamboo thai，之前曾经非常受欢迎嘅餐厅，一件火山排骨，带领起全港食大排骨嘅热潮，C小姐话食，我当然奉陪。加埋好耐无见嘅W小姐，三个人，都足够叫好多嘢食。大虾米纸卷，点下个泰式辣汁，薄薄嘅米纸卷包著嘅系超爆嘅虾劲多嘅蔬菜，一口都未必食得哂。 招牌冬荫公鸡翼，系朋友C小姐嘅推荐，完全谂唔到冬阴功同鸡翼点解会夹得到，食落去又几过瘾。 黄金虾饼，又系配辣汁一流，如果你爱热气野，一定钟意佢。 沙嗲鸡串烧系C小姐最爱，食泰国野又点可以唔食串烧呢，鸡最适合个个食，瞬间就食晒。 叫红咖哩烧牛肋骨以为系普通嘅菜式，点知佢一整大条牛肋骨上场，好震撼，牛肋骨都啖啖肉，质地不错，同火山排骨有过之而无不及，点蒜蓉包最好。 咸肉炒芥兰，个咸肉先系精粹，咸肉将全碟菜都添上了色彩
不过每年七月，都总会有朋友话食吓饭啦，因为疫情嘅情况，朋友见得就要见，有时都唔知仲有冇下次，想多谢同我食饭嘅朋友，都写下记录下。今晚选择左bamboo thai，之前曾经非常受欢迎嘅餐厅，一件火山排骨，带领起全港食大排骨嘅热潮，C小姐话食，我当然奉陪。
加埋好耐无见嘅W小姐，三个人，都足够叫好多嘢食。
大虾米纸卷，点下个泰式辣汁，薄薄嘅米纸卷包著嘅系超爆嘅虾劲多嘅蔬菜，一口都未必食得哂。
招牌冬荫公鸡翼，系朋友C小姐嘅推荐，完全谂唔到冬阴功同鸡翼点解会夹得到，食落去又几过瘾。
黄金虾饼，又系配辣汁一流，如果你爱热气野，一定钟意佢。
沙嗲鸡串烧系C小姐最爱，食泰国野又点可以唔食串烧呢，鸡最适合个个食，瞬间就食晒。
叫红咖哩烧牛肋骨以为系普通嘅菜式，点知佢一整大条牛肋骨上场，好震撼，牛肋骨都啖啖肉，质地不错，同火山排骨有过之而无不及，点蒜蓉包最好。
咸肉炒芥兰，个咸肉先系精粹，咸肉将全碟菜都添上了色彩，爱已变了这世界衬衣，咸肉就似爱，不会弄得太咸，但刚刚好。
我同W小姐选了我们必食的泰式生虾刺身，虽不算太大惊喜，不过食泰国野就如仪式，呢个是必需，不是吗？
火山排骨系呢到嘅signature ，相信好多人都见过，几年无见，水准还更上一层楼。我相信而家你地见过嘅成品都系抄Bamboo Thai，今次个汁更香更开胃，排骨就算细都好大件，我地三个人都差唔多食唔哂，重点个汁真系灵魂，仲有一定要用手食，佢仲包埋手套，不用手套食真系对唔住旧排骨。
尾声我都系想吃点淀粉质，越式海鲜柠，汤底唔算强都估到，但虾肉爽口，檬粉弹牙，无乜错嘅空间，饱肚叫呢d最适合。
席间，朋友都关心我近况，呢几年都好多烦野，不过我选择自己过得好便算了，以前成日乜都话好，人人话我yes man好辛苦，到而家做自己反而人人都担心，世界就系咁，都系唔好烦，食番啲甜品开心下，第一次食芒果糯米饭系一个生日蛋糕，多谢C小姐的准备，估唔到呢到都有咁特色嘅生日蛋糕，多谢你为我想多一步。
Bamboo Thai (朗豪坊) 旺角亚皆老街8号朗豪坊8楼02-03号舖
张贴
