Barg (已結業)

周四下午收到契妹来电，告知已成功为小肥契哥集齐印花换购迷你兵团行李箱，收咗工第一时间就去咗购物。以表谢意，XO仔都好识做地请食晚饭，地点就由靓女拣咗喺「Barg」。店子以木为主o既装设，配上前后两排合并式散座，环境简洁清爽。墙上写出每日精选项目o既黑板仲加有手绘图案，制作相当认真。啱啱又收集多个迷你兵，时光咁欢乐，两契兄妹当然系要碰碰杯，贺一贺佢啦！小肥有新玩具玩，点选食物就交由契妹一手包办。面包篮：热烘烘o既面包共有四款，均软熟甜美。羽衣甘蓝牛油果沙律（$98）：放咗几日「菜假」后，契妹叮嘱小肥晚餐一定要食沙律，仲专登拣咗个营养价值出名高o既羽衣甘蓝沙律。深绿色o既羽衣甘蓝爽脆健康，伴上润滑o既牛油果同醋，很是开胃。野菌蘑菇汤（$68）：以杂菌打成蓉o既蘑菇汤足料得黎菇味芳香，个人只系略嫌唔够咸。烤乳猪配苹果酱（$218）：主菜烤BB猪皮层超级干巧脆卜卜，肉质幼嫩香浓，轻轻涂上苹果酱更觉清新，可谓整晚之最！这个夏天有迷你兵兵陪伴左右，XO仔有戏睇、多咗文具用、有新玩具喺手、周四晚仲买埋抢眼o既行李箱，旅行都可以带埋兵团游山玩水，当真令人十分兴奋！多得契妹介绍，购物完喺「Barg」品尝