麻痺雞 (已結業)

同大埔友团年，近近地去咗大埔墟食鸡煲，估唔到六点几已经满座，好彩最后一张枱都俾我哋坐到，全场免加一，鸡煲一个价钱已经包埋任食火锅，咁抵食唔怪得咁快 full 啦!海鲜鸡煲 $178/位，海鲜有生蚝、青口、鱿鱼。鸡件肉嫩多汁，最钟意就系鸡肉挂满麻辣汁，味道香辣又刺激，辣得好过瘾。食辣鸡煲梗系要饮冰凉嘢啦！鸿福堂嘅百香果蜜，消辣解渴。除咗鸡煲，仲有几款餐前小食好正，全部都系川式凉菜，青瓜、海蜇、黄金皮蛋，好食到停唔到口。食晒鸡煲就可以加汤打边炉啦！ 基本牛肉、猪肉、丸丸、同埋鱼皮都系我哋嘅最爱。我哋仲加钱要咗个即炸响铃 $48，热辣辣松脆无比，不过就真系要等好耐，记得一坐低就要 order。令一碟加料就系 手切安格斯肥牛 $168，大大碟肉色有光泽，肥瘦均匀，入口柔软饱满结实，滚两下就食得。每人唔使$200已经可以大吃大喝过肥年，下次想喺大埔食鸡煲我都会再嚟帮衬。