影片
更多
2023-05-18
1174 浏览
享用左愉景湾酒店平日自助晚餐（5月16日星期二）。见网上资料唔多，希望可以比大家少少资料，方便大家作选择。环境：位处愉景湾，交通可谓唔太方便，但如果有时间在海边吹风，配上酒店既教堂以及旁边既愉景北商场打卡，算系相当唔错既选择。服务：餐厅对正酒店大门入口，简单易认。到门口与酒店同事核对订单编号就带入座，同事有帮忙拉开座位，相当有礼，收碟速度亦好快，只要我地停左唔食一段时间，都会上前主动问仲要唔要。当晚人数较少，未有遇到食物fill得好慢既问题，亦不时见到有厨师检查食物足唔足够。食物：先帮餐厅讲句公道说话，当日上座人数唔多，目测只有2-30人，可能因此食物既预算调低左。前菜：沙律款式5-6款，cold cut 3款，另外有两款芝士，外加几款水果。热食：款式唔多，印象亦唔多，只记得有个参巴烤鱼同意式千层面，味道还好海鲜：冻海鲜有4款，面包蟹，长脚蟹蟹脚，蚬，虾。面包蟹个人冇咩兴趣，冇能力评价。蟹脚新鲜好味。蚬细细只完全冇味。虾爽口，但略嫌虾膏虾肠都好黑，唔敢食太多。刺身有吞拿鱼，希灵鱼，鲷鱼同八爪鱼，正常品质。肉类／烧烤：种类同样唔多，完全感受唔到bbq主题。当日未有见到卖点之一既厨师即场烧
环境：位处愉景湾，交通可谓唔太方便，但如果有时间在海边吹风，配上酒店既教堂以及旁边既愉景北商场打卡，算系相当唔错既选择。
服务：餐厅对正酒店大门入口，简单易认。
到门口与酒店同事核对订单编号就带入座，同事有帮忙拉开座位，相当有礼，收碟速度亦好快，只要我地停左唔食一段时间，都会上前主动问仲要唔要。
当晚人数较少，未有遇到食物fill得好慢既问题，亦不时见到有厨师检查食物足唔足够。
食物：先帮餐厅讲句公道说话，当日上座人数唔多，目测只有2-30人，可能因此食物既预算调低左。
前菜：沙律款式5-6款，cold cut 3款，另外有两款芝士，外加几款水果。
热食：款式唔多，印象亦唔多，只记得有个参巴烤鱼同意式千层面，味道还好
海鲜：冻海鲜有4款，面包蟹，长脚蟹蟹脚，蚬，虾。面包蟹个人冇咩兴趣，冇能力评价。蟹脚新鲜好味。蚬细细只完全冇味。虾爽口，但略嫌虾膏虾肠都好黑，唔敢食太多。刺身有吞拿鱼，希灵鱼，鲷鱼同八爪鱼，正常品质。
肉类／烧烤：种类同样唔多，完全感受唔到bbq主题。当日未有见到卖点之一既厨师即场烧烤，而宣传提到既牛扒，羊架，大虾全部都冇，变成左已经烧好既烧牛肉，鸡翼，鱿鱼须，猪扒，肠仔，粟米同蕃薯。
烧牛肉肉质软熟，有烧烤味。鱿鱼须调味偏日式，但冇咩烧烤香。其他肉类冇特点。
甜品：相对其他部份，甜品种类算多，亦有好食，在晚餐期间，甚至有品质较高既单件切饼fill in。另外雪糕有Haagen dazs任食。
总括而言，除左食物选择少外，整体食物质素唔差，亦有回本位既蟹脚。但以bbq主题作卖点就有d货不对办，断估唔会有人比自助餐价钱期待食猪扒鸡翼肠仔。
张贴