隱世貳館 (已結業)

之前同朋友食过呢间隐世贰馆—只系睇个名，又真系唔知佢系卖咩。原来系间自助串烧餐厅，由于一到夏天就系BBQ既好时节，我唔揾BBQ，BBQ都会揾著我。(虽然我真系唔明白，唔热唔烧呢个概念系点黎)呢到既选择都唔少，平时B开既野食都会有，肉类总系离唔开丸、鸡翼、扒同多春鱼。菜蔬类就有菇、茄子。而讲起串烧既生果就一定系烧菠萝。等左半年先黎既第一次BBQ，当然要要B返够本，于是，我地几乎烧匀哂咁多款野食。不过讲野食之前，差D唔记得讲饮品。对于长期处于火堆附近黎讲既我地，补充流失既水份系相当重要。而呢到饮品选择都几多，同放题差唔多，总拣到枝岩你心水。另外，呢到仲有锡纸、纸盘同餐具提供，同自己BBQ咁差唔多，不过自己咩都唔洗拎，又唔洗头痕买咩、咩野买几多好，方便度同舒适度真系多好多。讲返野食拉，肉类食物都腌得几入味，班食肉兽都食到好开心。而丸类既质素都唔差，开头几惊系粉丸，好彩丸又几弹牙，味道又正常。而多春鱼真系每一条都胀卜卜，咬落好有满足感。